《指戒的同棲故事》[完]【純愛】: 08 - 美味·歡笑
「達達達達達達～」
現在的我正全神貫注的對著電腦不停不停的打字。
我看一看時間，還有15分鐘就到6點呢。
「嘩～」阿基一臉不可思議的眼神：「搞咩呀你？轉死性呀？依排咁搏命嘅？」
我看一看阿基這有如見到上帝下凡的險～
「係咩？」我一臉灑落的道著：「我覺得冇咩唔同啫～」
「唔好玩啦，你依個work life balance主意崇拜者平時五點半就停曬手，依家唔到六點半都唔消失，如果你唔係轉死性就一定係撞鬼喇.....」
我把最後一行文字打完，接着按下列印。
「我只係覺得，人生好似都冇咩係出過全力咁，突然想試下盡全力嘅感覺啫～」
旁邊的阿基突然面色一變～
「你... 咁講嘢搞到我打曬冷震......」
我笑了笑，接着就走向影印機。
「叮噹～」突然手機一響，打開一看是阿盈呢～
阿盈：（今晚嗰餐食咩好呀包租公？)
我：(反正都係買返去，冇所謂啦。」
阿盈：(咁都要揀食咩㗎，上次嗰間唔好再買喇，好難食。」
「唉～」女王陛下的舌頭真的很難照顧呢～
我想了想，回了句
我：(OK，收咗工我去買啦。)
阿盈：(辛苦晒喇～包租公。)
我收起電話，感覺阿盈愈來愈不把我這個包租公當作一回事呢～雖然我是欠她錢......
唉～算吧，反正平日工作上她也教了我很多，而且......
和她這樣的相處方式也不討厭就是了～
。。。。。。
好不容易又做到六點半的時間， 毫無疑問又是我最後一個走呢～
公司早就沒有人了～
我走在中環的大街上伸一伸懶腰，天上早就黑了，還是快點買飯回去吧，免得餓親女王又不知道會被說甚麼難聽的話～
「謙仔！」
突然，我好像聽到我家母親的聲音。
「謙仔呀！！」
感覺聲音好像越來越大呢......
朝著聲音的方向一看
「呀......」真的發現了我家母親。
「謙仔你收工咁遲嘅？」家母一抽二輪的走了過來。
「OT呀嘛，做乜過嚟唔講聲先呀？」
「嘿～ 我見得閒咪過嚟睇下你點囉， 順便煮番餐飯慶祝你新居入夥啦，你個衰仔好耐冇返嚟食飯喇，等呀媽整啲好嘢過你～」
家母一臉興奮的說着。
「下？！」我聽完嚇了一下，這是一個很大的問題呢。
雖說是租戶關係，但如果被她知道自己的寶貝仔新居入夥一個月，就已經和一個明星級數的女孩同居的話......
手尾應該也會很長。
「呀媽呀～今朝早呢，樓上爆水渠呀～」
「下？爆水渠？」她一臉呆呆的。
「係呀～個廚房流到好似瀑布咁呀， 我一陣間返去都要執埋啲手尾， 個廚房應該都用唔用得㗎喇～」
「咁慘呀...自己一個住真係辛苦呀～」
「唔辛苦～ 呢啲好小事啫。」
等等被你見到阿盈我更辛苦呀。
「阿媽呀，你今日都煮唔到飯囉，不如早啲返去休息下啦，下次先再上嚟啦。 啲餸我幫你拎返去啦。」我拿了她手上的材料，邊說邊推她離開。
「哦， 好啦咁你有咩打畀我啦～」
說罷她就被我推走了。
。。。。。。
大門打開，我拿著兩大袋食材進屋。
看書中的阿盈見我回來了，馬上放下手上的書本盯著我。
這個眼神是不滿我太遲回來吧，最近發現我都開始懂得看女王面色了～可喜可賀～可喜可賀～
「做咩咁遲呀你～」
「咁啱見到我阿媽，傾咗兩句咪遲咗。我把兩大袋食材放上檯上，真的很重呢～
「咁多餸嘅？」她有點好奇。
「我阿媽買㗎，佢本來想上嚟煮，不過比我 撳住咗。」
「你做咩唔畀人上嚟啫，咁衰㗎你～」她笑笑口的。
我用無奈的眼神看著她：「比佢知道你住係度唔方唔手尾長喇。」
「哈，比佢知道自己個仔幾好彩可以同我住佢一定定開心到哭出嚟～」
「係嘅係嘅～」說罷，我比帶著兩大袋食材到廚房，食材不雪會變壞的。
「係呢～我可唔可以用啲餸呀？」阿盈突然問我。
「唉？都可以嘅，做咩呀？」
「冇呀～」她很興奮的：「依排睇咗啲煮嘢食片，我想試下整～」她說着，一手拿走了整袋。
「你之前有冇試過煮？」突然我有點不好的預感......
「冇呀～ 凡事都有第一次，咪試囉。」 話口未完她已經把薯仔拿出來準備切。
「喂！阿盈你隻左手要貓爪呀！」
「咚！......」一把刀 清脆利落的切了下去。
「呀...」阿盈的左手食指流出血來。
還真的切到呢......
。。。。。。
簡單包紮了一下，阿盈的手已經沒什麼大礙。
只是她本人好像有點失落呢～
難怪的，本身熱成滿滿的去煮飯，結果一來就切到手。
真不是一般的尷尬呢～
不過呢。
「哈哈～」我笑了笑。
「笑咩呀你...」她羞羞說。
「冇～估唔到女王大人都會有嘢唔識做，有啲意外咁～」
「我唔係唔識，我係未學識...」她別了面去，真的不服輸呢～
「係係係，你未學識啫，咁今晚等我搞啦，你坐低等食得啦～」說罷，我再次回到廚房，沒辦法吧～
。。。
。。
。
「嘩～」阿盈看著檯上的食物彷彿眼睛在發光：「估唔到你都幾勁喎～」
「一般啫，之前同屋企人往都係我煮， 屋企人都係間唔中食屎忽痕先整一次。我吧 盛好的白飯遞給她。
阿盈夾了一片肉，看了幾眼，接著食掉。
「嗯！！好味呀！！！」她好像很喜歡呢～
「啱食就得食多啦。」
「嗯！！」她吃著：「第一次覺得搬到過嚟好幸福~」
「做乜講到好似住係度好難為你咁...」我一臉無奈。
「哈哈唔係～不過你真係好好味，好唔好 以後就都交畀你呢？」
「喂喂喂，你冷靜啲先，日日都我整咁你呢？」
「我係咁咦洗下碗都可以嘅～」
然後，這一晚我們笑着笑着，就結束了～