返到屋企清潔埋啲排泄物,就一定係搵女神啦,于是我ig搵佢。

「hi,我叫陳浩峰,可以叫我呀峰,我係今朝早問你拎電話但係你俾ig嗰個呀。」

「我知呀,你唔係返緊工咩,做乜得閒搵我嘅,同埋我叫周梓瑜。」估唔到佢秒回

「其實我啱啱辭咗職。」

「吓,點解嘅。」





跟住我就同佢講哂成個過程。

「咁不如今晚我請你食糖水喇,唔好記住啲唔開心嘅嘢,夜晚7點天西下面間糖水舖等啦。」

「好呀,今晚見。」其實我真係估唔到女神竟然會約我。

打打下機話咁快就6點啦,都係時候出門口。

我準時到咗,但係未見到周梓瑜,正當我想add佢時就見到佢笑住向我揮手。「好撚靚,有仙氣。」內心os





「咦,好準時喎你,真係7點到。」

「係呀,你都係。」

好尷尬……不過話哂小弟我拍拖經驗唔多。

「不如我地入去食飯,一陣坐低再慢慢講。」早到咗半個鐘嘅我巳經出哂汗。

「好呀。」





途中雖然好多時候大家都無野講,不過講起最近某討論區講緊天水圍六星陣當年發生過啲嘅事,又話死過人、又有人作法個啲,但係我同周梓瑜住咗咁耐都認為無事發生過。

我見周梓瑜好有興趣就提議:「不如我地去睇下入邊有啲咩,你唔係唔夠膽啊!」

「邊個話我唔夠膽呀!不過你行先。」
已有 0 人追稿