估唔到天水圍六星鎮，竟然係通往異世界嘅入口。: 三：進入異世界

「喂 呀峰，入邊又黑又多塵，不如唔好入去啦。」

我又點會放棄一個趁黑抽水嘅機會呀，但係行到去竟然有保安守著。

「啦…我哋等個保安去厠所個時偷偷入去，怕未出聲囉…我唔會笑你架喎。」我說

「行未行囉，不過你唔準玩埋啲小朋友行為，無啦啦嚇我。」

入到去伸手不見五指，第一時間當然係拎手機出嚟照下，我發現有條樓梯可以上去，我便提議。





「周梓瑜，行埋條樓梯上去睇下有啲咩。」

「快啲啦，睇完我想快啲返屋企沖涼呀！」

條樓梯唔知係唔係歷史太悠久，行嘅時候一路發出類似吱吱…吱吱聲，行到最後見到有間房，都行到嚟呢到，唔睇下入邊有啲咩，滿足唔到我嘅好奇心，推開房門隱隱約約見到有好似鋼之鍊金術師嘅練成陣圖形係地下，練成陣中間有張紙，上面寫著「影，當年懷疑你大家都錯了，我們被首席大魔法師背叛引致受到敵國攻擊，在敵軍強烈攻勢下近年巳經放棄幾座領土，所以我們國家請了眾多魔法師一起用魔法陣向地球發出信件，希望你能回來幫忙守護愛歐尼亞帝國。」讀到呢到我同同周梓瑜都望住大家窒咗一窒先開口。

「中二病發作？ 哈哈。」我說

梓瑜：「喂，唔好笑住先啦，你聽唔聽到有人行緊上嚟呀！！」





正當我打算拉埋梓瑜隻手急急腳咁走嘅時候門口突然之間…大力自己關上了。

「搞乜呀，快啲放我地出去，唔係我報警㗎。」被梓瑜攬着手的我說道

可是只換來門外一句「遲啲見。」

下一秒只見地下嘅魔法陣出現白光，由少少白光直到得返一片白色，之後出現入我眼前嘅係十二個著白杉連帽嘅人。