估唔到天水圍六星鎮，竟然係通往異世界嘅入口。: 四：艾華

我仲沉醉緊比梓瑜攬著隻手嘅時候，比一把好低沉嘅聲線打斷咁。

「你係影？ 點解你樣貌變年輕咗幾十年，同埋攬住你嗰位女仔係邊個。」

周梓瑜見周圍都係人亦都即刻放開攬住我隻手。

「喂，呀峰呢到邊到嚟架？你係咪整蠱我？」

「唔知呀…我仲驚過你，出現白光之後成個地方唔同晒，不過邊個係影呀！」我問





「影，曾經係我哋帝國最強魔法師，不過因為一啲事我哋驅逐咗佢去其他星球，話說你哋2個又係咩人。」白杉問。

此時我在腦海中有無數個想法出現，動漫就睇得多啦，通常呢啲情況我都係男主角而周梓瑜一定係女主角，同埋我一定好勁。

「其實我係來自一個叫做地球嘅星球嘅人，本來我地諗住去一個名為六星陣嘅地方探險，點知打算走嘅時候，門口就突然關上同埋有一個人同我哋講話遲啲見，之後如你所見，我哋就出現咗係呢到。」我無奈地說。

「嗯，咁大致上我都了解，你哋應該就係影傳送過嚟嘅人。」

「咁你可唔可以傳送我哋返去架，我係地球仲有親人有工作，我唔可以留係到！」周梓瑜緊張的問。





「其實傳送魔法屬於非常高級嘅魔法，傳送死物消耗唔大，但係傳送嘅嘢含有生命嘅話，當中需要嘅靈力和精神力我嘅承受範圍，雖然我係可以將你哋傳送返去自己嘅星球，但係我唔會，因為一旦傳送你兩個返去，我就會徹底失去靈力變回普通人甚至變成一個冇自主意識，無能力守護帝國，你哋都睇到喺地球嘅信件啦，而且我相信影傳送你哋過嚟有佢嘅原因，所以呢件事我無能為力。」

「咁點解係地球嗰個人又可以將我哋傳送過嚟，咁佢咪無哂靈力仲點幫你哋呀！！」周梓瑜生氣地說。

「係囉係囉，佢講得啱呀。」我係側邊附和說。

「我啱啱先講過，影佢係帝國最強魔法師，9歲巳經學識魔法學院所有魔法，喺被喻為天才嘅存在，擁有近似無上限存量嘅靈力，所以佢係例外。另外一直都未自我介紹，我叫艾華，我係其餘11人嘅隊長，負責守護傳送陣。接洛嚟我會安排你地去見國王。」

「周梓瑜，睇嚟我地返去只能夠等嗰個叫影嘅人返嚟先返到去原先個世界，咁趁呢段時間我哋當去咗旅行啦。」我只能夠這樣安慰著她。





「唯有係咁啦！」梓瑜一臉不爽地說。

接下來我同周梓瑜就跟住喺艾華身後去見國王，途中看見好多小孩在追追逐逐，又有不少人和商家在路上兩旁買賣東西，看到這麼溫馨的畫面。

「唔係打緊仗架咩，咁和平嘅。」我暗自猜想