《妖具》-我無啦啦做左個道士，仲要係全香港最大粒果個 ! ?: 《我居然係個道士!!!6》

女子把戲飛給我之後便瀟灑地離開了我家。

  我一個愣神便立即沖出門口大叫「靚女你到底係邊個吖！」

 
「師父你如果連小藍我係邊個你都唔記得，咁你可以死左佢啦。」小藍伸出二隻手指做出一個劍指的動作﹐揮一揮手便消失於轉角。

  「喂….喂…」我走到升降機那，升降機已經向下。

   我手中拿著戲飛，戲飛上面寫著《全院滿座》。這一個時候我想起張道仲在影片最後說的人可能是小藍。而他那意味深長的笑容仿佛不需要解釋。會約我看電影的人會不會是我另一個人格的女朋友，而他的笑容是否代表我今晚可以擺脫23年的純潔之軀。一想到這樣我便忍不住我的笑容。「小藍....估唔到我可以溝到個咁靚嘅女朋友仔。」我一邊吹口哨一邊回到屋內。





 
「不過呢堆野都要搞清楚係啲咩。」我拿出那五張神秘的黃符。五張符紙上面的文字全部都不同，很明顯這五張符也有不同的作用。

 
「都唔知咩黎，睇黎同道具差唔多應該係假野。」我拿著其中一張黃色的符。突然之間在我的腦海之中出現了五隻字（金剛護身符）。我立刻拿起其他的符，但係腦海之中再沒有其他 的字浮現。我不敢肯定是什麼原因，這道符我好像的認識一樣。但是再拿出其他的符又沒有其他特別的感覺。我只好把符放進口袋內。

  「唉！唔理啦過左今晚先算。」我只好把盒中的東西放回口袋之中。

  「上網check 定今晚套戲講咩先。」興奮地打開手提電腦，為今晚作好準備。