《妖具》-我無啦啦做左個道士，仲要係全香港最大粒果個 ! ?: 《全院滿座1》

｛全院滿座1｝

  10點45分我提前來到銅鑼灣的 JP 戲院，奇怪的是無論我看盡全香港的網頁﹐也找不到一套電影名叫《全院滿座》。

    我慢慢地把在戲院入面的廣告牌全部看完﹐也沒有這套電影。不過如果有戲飛出售便應該是有在播放的。

    「師傅！」是小藍的聲音。

    「今日咁早到嘅，唔似你喎平時點都遲10分鐘嫁。」





    「咁今日約左睇戲吖嘛。」我拿出戲飛。

    「師父你今日咁奇怪嘅，完全唔似你轉死性呀。」小藍從手袋之中拿出一串銅錢放入褲袋。

    「小藍？如果我同你講我唔係你識果個我呢….？」我越說越細聲。

    「雖然你怪怪地，但係你平時都係咁。全個協會我諗得我同周長老會唔嫌棄你。 」

    「協會…」我依稀記得張道仲在影片中有說過我是協會的會長﹐便是捉鬼的道士。難道我真的要捉鬼 ? 突然有把聲音打斷了我的想像。