《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學33》

「邊個~!」小藍拿出一張符紙戒備。

  「唔洗咁緊張...係我。」那人慢慢地掀開帽子﹐露出原來的面貌。

  「茅山 南宗 葉雲 。」

  「葉雲你條仆…知唔知自己做左啲咩 ! 」小藍憤上心中﹐雙眼帶有一點殺意。

  「你地就係太仁慈，一路都唔肯落死手。我幫左你地﹐唔洗多謝我啦 !」葉雲一臉的自信。





「對鬼唔好成日諗住超度﹐我地又唔係和尚。」

「可可你頭先係咪講真﹐魂飛魄散都仲問到?」小藍沒有理會葉雲﹐直接轉頭十分緊張地問可可。

「緊係假嫁啦﹐我啱啱大下佢嫁咋﹐我見電視劇入面都係咁嚇人。」可可搖搖頭表示沒有辦法。

「葉雲...」小藍渾身的力量集中於雙拳﹐以極快的速度衝向葉雲。

「天靈靈﹐地靈靈﹐四大金剛護我身。」葉雲瞬間拿出一張符紙﹐手中立即掐出一道法訣。金光覆蓋了他的全身﹐擋下了小藍的一擊。





「估唔到你個肥仔都幾快。」小藍緊接著便打出下一拳。

「你都唔差﹐果然係協會最強。」葉雲的嘴角開始滲出一絲鮮血﹐但也沒有忘記用雙手擋下攻擊。

  「掌心雷 ! 」小藍靈動地躲過這道雷電﹐雙方又再拉開了一點距離。

「天地玄宗，萬氣本根﹐三界內外，唯道獨尊，體有金光，覆應吾身﹐急急如律令！」一道金光隨符紙的消逝覆蓋小藍的全身。

「天地無極﹐乾坤借法。爆炸符﹐急急如律令！」兩人同一時間丟出爆炸符。





可可見狀立即拿出了一個看似是魯班鎖的東西出來﹐每一面都由數條橫直條互相緊扣而成﹐中間有一粒會發光的紅色寶珠。