《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學34》
可可趕在兩張符紙相遇之前閃身到兩人之間。只見魯班鎖瞬間打張便再次閉上﹐兩張符紙便像消失了一樣﹐沒有發生任何的爆炸。
「唔好打住 ! ! 」正當兩人疑惑之際﹐可可擋了在兩人之間。
「葉雲你點解會過左黎?你唔係應該有其他野做嫁咩?」可可質問葉雲。
「今日取消左﹐咁啱又見到依個。」葉雲從口袋之中拿出了一部手提電話。
手提電話的螢幕上顯示了一條信息「山度士發出了緊急求助﹐有空閒的會員立即到場幫忙 ! ! !」而下方便是這裡的地址。
「原來係一場誤會。」可可鬆了一口氣﹐就在此時可可手中的魯班鎖發生了一些變化。
魯班鎖突然之間膨脹了起來﹐中間的紅色寶珠像是一個氣球不斷脹大﹐木條亦隨之而伸展開來﹐緊緊把紅色寶珠鎖在中間。
「咩事 ? 點解會咁嘅?」小藍問可可。
「咪就係你地兩張符囉﹐睇黎你地啱啱真係想殺死對方。」可可嘆了一口氣。
「面對協會最強又點會唔全力以赴。」魯班鎖很快又再次回復到原來的大小。
「做左正經野先﹐小藍姐帶我去睇下個結界。」
小藍立即帶可可到學校的門口處﹐指了一下那黑色的符紙。
「真係黑色嘅符﹐嗰班「人」終於忍唔住...」可可看著黑符細細聲地說著。
「依個結界有啲複雜﹐比20分鐘時間我。」可可手中的魯班鎖開始轉動。