《愛在。貴族學園》: Ch 8 ~ 逃過一劫的吻 Part 2

Ch 8 ~ 逃過一劫的吻 Part 2（連載日期：2021/11/12）

話咁快，兩部車先後到達林家大宅。為咗表現出男士風度，俊軒主動拖起韻喬嘅手落車。

但係韻喬就即刻睥咗俊軒一眼，嚇到俊軒即刻縮手，場面甚為搞笑。

而今次都係韻喬第一次造訪林家，雖然心裏面都畀大宅規模之大而嚇到，但係韻喬都避免自己真係好似鄉下妹出城咁，所以都係四圍望下就算。

而李家嘅座駕，都喺兩分鐘之後開到林家大宅，俊軒禮貌上都要歡迎天殷同禮謙到訪自己屋企。





佢地四人好細聲咁喺度打氣、希望今日嘅“見家長”大作戰成功之後，一齊步向林家大宅嘅大門。
 
「噹噹噹噹…..」
 
「二少爺，歡迎回家。欸……李家大小姐、程公子……仲有呃……請問呢位小姐點稱呼？」譚管家好快就黎到開門，而且喺開門時對俊軒佢地幾個講。

不過，一向怕生面口嘅韻喬，差少少就唔知點應對呢個管家嘅問題
 
「呃你好…..我叫張韻喬，係你地二少爺嘅同學兼……兼（女朋友）」韻喬將女朋友三個字講得好細聲，幾乎大家都聽唔到。





但係譚管家都冇再糾結眼前呢個非常怕醜嘅女仔，同自己僱主個二少爺有咩關係，而只係同大家打招呼「張家小姐你好，我係林家嘅管家，我姓譚」

「譚管家你好」韻喬到依家都仲係好怕醜「請問你地幾位……係咪今晚會喺度出席晚宴？」

「係呀譚管家！係呢，我想請問媽媽返咗屋企未？」俊軒喺回答譚管家嘅問題，順便都刺探一下大屋裏面嘅情況。
 
「嗯，夫人依家已經喺客廳，等候緊你地幾位。一陣間你地請自便，自己去大廳都搵太太就可以啦」譚管家回答俊軒。

俊軒聽到林太已經返咗黎大宅之後，都有少少緊張「好……好嘅，唔該你譚管家！」





「唔洗唔該！呢啲都係我嘅分内事，二少爺！請入黎啦你地幾位」「唔該！」譚管家於是就邀請幾位賓客進入大宅。

韻喬佢地於是幾個一齊深呼吸，再交換一下眼神之後，就正式步入氣派不凡嘅林家大宅，然後再往大廳嘅方向前進，準備同林太見面。
 
喺俊軒佢地一行到大廳，就已經見到林太坐喺其中一張梳化上面，不過就背對大廳門口。俊軒於是就同林太大招呼「媽媽，我……返黎啦！」

林太於是就企起身，喺見到佢地四個之後，就直接採取主動，望向身穿紫色晚裝嘅韻喬。

「乖仔，返黎啦？Hello你好呀妹妹，請問你係......？」不過，林太嘅笑容露出一股殺氣，好似用緊自己嘅氣場，嘗試去震懾眼前嘅陌生女孩。

「Auntie你好，初次見面……」韻喬戰戰兢兢咁答林太「我個名叫張韻喬，你可以叫我做小喬，我係林俊軒嘅同班同學兼女朋友，請auntie多多指教。」同時韻喬都禮貌性咁伸出手同林太握手示好。

不過，喺握手嘅時候，雖然林太依然面露微笑，但從林太握手嘅力度得知，林太根本就喺度觀察緊韻喬嘅反應，而且摸索緊韻喬嘅性格......

「小喬你好。原來你就係我仔仔嘅女朋友啊！幸會幸會！」





雖然林太嘅握手唔係太友善之餘，仲搞到自己隻手有少少痛，但係始終對方都係長輩，韻喬都唔夠膽出聲，只係繼續對林太微笑。

而俊軒同時都同林太講「媽，禮謙同學同埋天殷佢地，今日都黎咗」

「Auntie你好！」禮謙同天殷都一齊同林太打招呼。「乖啦！你地最近都幾好嘛！而且，原來今日咁人齊呀你地？」林太高興地道

「既然係咁，不如大家一齊留喺度食個便飯啦！程家公子同天殷小姐，你地兩位都應該唔會介意吧？」

「呃……我地唔會介意，而且多謝 auntie你嘅招呼，我地幾個打搞哂你地同俊軒就真！」禮謙同天殷兩個同時回答。

而韻喬繼續就繼續好不安咁，企喺俊軒嘅身邊。當然，林太都繼續觀察韻喬嘅一舉一動......

（待續 ~）





IG link https://instagram.com/bear_big_big_writer