《愛在。貴族學園》: Ch 9 ~ 嬲到爆炸嘅韻喬 Part 5

Ch 9 ~ 嬲到爆炸嘅韻喬 Part 5（連載日期：2021/12/09）

過咗30分鐘左右，林家嘅座駕就返到韻喬屋企樓下。於是司機就先落車，幫韻喬開門。

「我到啦！多謝你安排車送我返黎喎衰人！」韻喬帶點囂張咁向俊軒道謝。而俊軒好就尷尬咁話……
 
「嗯，呢個好小事啫，而且我都應該要咁做，小喬同學」俊軒回答道，不過今次居然冇再吞吞吐吐

「但係，你今日為我做咗咁多，我除咗送禮物之外，暫時都冇咩嘢可以報答到你。之後可以做嘅，就係要對你好……」





「份禮物希望你真係會鍾意啦。而且小喬同學你都放心啦，今日發生嘅事，我唔會喺學校裏面提，呢個我一定會應承你」俊軒再三強調自己會負今晚嘅責任。
 
「嗯，多謝你。好啦，你都快啲返屋企啦，唔好要林auntie擔心你啦，星期一返學見啦！bye」

「係啦小喬同學」「嗯？咩事呀？」「我呀……使唔使送埋你返上去呀？」俊軒喺韻喬落車之前，再問一問韻喬。

「唔使啦，我唔想一陣畀我爸爸媽媽見到，然後返到去捉住我問三問四」韻喬有少少唔耐煩道

「好啦，真係唔講啦，bye bye」「Bye bye」





語畢，韻喬就落車走入大廈。喺目送韻喬入到升降機之後，俊軒就叫司機開車返去林家大宅。

喺座駕上面，俊軒就即刻同“軍師”天殷報告，

「5A林俊軒：殷殷，韻喬同學佢已經返咗上樓啦！           22:20」不過天殷都好快就見到俊軒嘅訊息，於是就回覆話……

「5A李天殷：哦！又幾快喎！咁你有冇送喬喬上去呀？        22:21」

「5A林俊軒：我有問過佢呀，不過佢就話唔想畀佢父母見到，然後問三問四，所以婉拒咗我嘅好意          22:21」





「5A李天殷：算你識做啦！不過，你地頭先喺車上面，冇再發生衝突吧？       22:22」
「5A李天殷：講真我都真係有少少怕你地會喺車上面打交呢！              22:22」

「5A林俊軒：打交就冇，邊度有咁誇張先得咖！？              22:23」
「5A林俊軒：不過我地頭先全程冇講過任何嘢。一直到車返到韻喬同學屋企樓下之後，佢先同我講唔該咋！       22:24」俊軒將頭先喺車嘅事，講返畀天殷知道。

「5A李天殷：哈哈！你地咁樣真係唔怕一陣又穿煲咩？          22:25」
「5A李天殷：不過，頭先喬喬對你嘅語氣係點先？係好似平時喺學校咁，定係好似頭先想殺咗你咁先？       22:25」

「5A林俊軒：就好似平時咁咋！不過咁樣我先怕！        22:26」
「5A林俊軒：如果仲係好似想殺咗我嘅話，咁我就知道佢一定仲好嬲        22:26」
「5A林俊軒：但係如果好似平時咁冷靜嘅話，我就怕韻喬同學表面上下咗火，但係之後可能會有手尾要跟呢！             22:27」

「5A李天殷：咁樣我就真係唔知你啦，你自己返學之後，就記得醒定少少啦！         22:28」
「5A李天殷：而且我都覺得，既然你都已經唔小心，拎咗小喬嘅初吻走，你就真係要對小喬負責啦！             22:29」




「5A李天殷：自己諗下要點樣哄返小喬啦！             22:29」

「5A林俊軒：我知道啦！不過今晚都要多謝你地！                 22:29」

「5A李天殷：唔客氣啦，最緊要可以幫到你啫！              22:30」

「5A林俊軒：都係嘅。好啦，唔阻你休息啦，呢兩日都幫我問候一下韻喬同學啦       22:30」
「5A林俊軒：星期一返學見啦！Bye                22:30」

「5A李天殷：ok！Bye！星期一見！               22:30」

俊軒之後就喺車上面休息，想暫時抽離一下自己，而且都要再諗下，一陣返去要再點樣面對自己父母。

（待續 ~）





IG link https://instagram.com/bear_big_big_writer