《愛在。貴族學園》: Ch 10 ~ 韻喬復仇記 Part 1

Ch 10 ~ 韻喬復仇記 Part 1（連載日期：2021/12/19）

（三平台75000點擊次加更，多謝大家支持，我都會繼續努力）

「小喬呀，你真係要決定咗要咁做？」聽筒嘅另一端，傳黎李天殷非常擔心嘅聲音

「你到底有冇諗清楚後果咖？萬一最後林俊軒決定告發你，或者其他同學見到你喺度搞事嘅話，你可能會畀Ms張甚至畀Ms Koo罰咖喎？」

冇錯，喺屋企得一個人嘅韻喬，因為自己仲未對俊軒為咗可以令自己，唔使再去相睇party，而帶韻喬上去林家大宅見家長。





但就喺準備離開嘅時候，因為林太覺得俊軒同韻喬嘅相處，過於生硬，而且韻喬都非常抗拒同俊軒嘅親密舉動。

所以林太就要求，韻喬同俊軒喺自己面前親吻，去證明對方嘅情侶關係係真實。

初時，韻喬都真係想爆俊軒seed，同林太講自己其實唔係俊軒嘅女朋友。

但係俊軒就直接一啖錫落韻喬嘴唇上，所以韻喬尋日先喺李家大宅，要求俊軒同自己道歉。

俊軒雖然有做，但明顯同韻喬嘅要求相差太遠，所以韻喬依家先會想整蠱俊軒。





點知韻喬嘅情緒就變得非常高亢「咁又點呀？要罰咪由得佢地罰囉！嗰個衰人咁樣對我，真係就咁送份禮物，或者送我返屋企，就可以解決到件事呀？」

「佢唔通真係可以就咁走咗去，咩責任都唔使負啦喎？」

「咁我又唔係話佢咩責任都唔使負」天殷回答道「但係小喬呀，我覺得如果要小軒付上代價嘅話，都可以喺其他地方，或者另外一種方式啫，真係冇需要喺學校搞喎小喬」

「天殷呀，我真係知咖，而且我都知道萬一我畀人告發，大不了我都係冇咗個模範生咋嘛，我唔係太過稀罕囉」韻喬非常囂張道

「不過，你都係放心啦殷殷，我就算係要玩，都係玩啲小把戲啫，我都唔會同個死人頭搞出人命嘅」





「唉呀，我都真係唔知你呀，總之你玩還玩，唔好玩到真係面阻阻就得啦」天殷依然好擔心道

「知道啦！好啦，李天殷你做哂聽日要交嘅功課未呀？」韻喬嘅話鋒一轉，就轉到功課嘅問題身上。

就好似之前話過，天殷同5A其他嘅同學，都好鍾意問韻喬同俊軒“參考”功課，甚至要求佢地兩個喺小測裏面出貓，幫助大家避免留堂。

天殷今次好快就話「做咗啦我，不過都唔知答案啱唔啱咋嘛！」

韻喬對於天殷嘅回答表示非常好奇，於是就喺度訓話「唉，都唔知你係認真做，定係亂填咖。如果你都係亂填亂答嘅話，最後你咪又係要借我啲功課“參考”，咁樣我都真係唔知道你做呢份功課黎做乜囉！」

「唉呀喬喬呀，我問你參考就真係for參考囉好冇？」天殷再一次為自己以前參考功課嘅行為解釋「依家啲功課都係我自己俾心機做咖，然後最多真係返到黎問你參考咋」

韻喬都差少少畀天殷激到噴火「得啦得啦，我信你啦，總之就唔好畀我見到你份功課亂填或者blank啦，如果唔係我以後都唔借畀你地“參考”咖!」

「知道啦我地嘅學霸喬喬！」天殷道「好啦，都係唔講啦，都係聽日見啦，bye」「bye！」





韻喬喺同天殷收線之後，就走上床休息，但同時都喺度諗辦法，點樣去羞辱呢個尋日將自己寶貴嘅初吻拎走嘅花心flirt女王

「嘻嘻，就咁決定啦，睇下你以後仲夠唔夠膽玩我呀啦！林俊軒！」

（待續 ~）

IG link https://instagram.com/bear_big_big_writer