《愛在。貴族學園》: Ch 10 ~ 韻喬復仇記 Part 2

Ch 10 ~ 韻喬復仇記 Part 2（連載日期：2021/12/19）

好快就到第二日，又到咗大家最blue嘅星期一朝頭早，佢地四個再一次回到5A班房，過住平淡嘅返學日子。

當然喺上堂之前，大家又一次喺度“參考”功課啦。但係自從上到Form 5之後，班老師都開始畀壓力大家。

所以因為有危機意識而認真做功課嘅同學，都變得越來越多，而俊軒同韻喬份功課畀人借去“參考”嘅機會都越來越少。

但取而代之，班同學就真係拎佢地份功課去參考，到底自己做得啱唔啱。





由於喺小息之前，俊軒同韻喬都冇機會可以接觸得到，所以早上嘅兩三堂，佢地兩個都相安無事。

但韻喬就繼續靜待落手嘅時機，務求要將林俊軒徹底整蠱。當然，喺小息嘅時候，韻喬就同天殷講……

「殷殷，一陣間就係時候落手啦，我覺得！」

「小喬你真係要喺學校玩報復？我尋晚唔係已經叫咗你唔好咖咩？」天殷非常擔心咁反問韻喬

「萬一小軒佢真係同Ms張告你嘅話，你覺得你仲可唔可以留喺度呀啦？！」





韻喬於是捉住天殷講「放心啦，應該冇問題嘅，呢，一陣間我地咪要上表演藝術堂嘅？我地搵機會同嗰隻花心王一組，然後我假戲真做咪得囉」

不過，天殷依然都好擔憂韻喬嘅計劃到底係咪真係work，質疑道「下，係咪得咖？如果由你提出嘅話，小軒可能會有戒心咖喎！」

天生聰明嘅韻喬，好快就已經諗到辦法「咁就梗係由你提出啦！你之前唔係話你同個花心flirt女王識咖嘛？咁識嘅話，同一組有咩問題呀？」

但喺韻喬講完之後，天殷塊面就突然之間紅哂「下…但係我地之前都冇夾過！我怕一陣個效果……唔係幾好咪麻煩？」

「放心啦，嗰隻嘢點會有戒心啊！總之一陣間上堂嘅時候，就等我張韻喬好好咁發揮一下我嘅演技啦！」





「唉呀真係冇你乎呀張韻喬！喂我地去埋洗手間就返去班房休息啦！」天殷於是同韻喬去完洗手間之後，就返去班房休息。

打鐘過後，就到韻喬佢地上表演藝術堂嘅時候，修讀呢科嘅同學，就會去學校專屬嘅Studio裏面上堂。

不過想修讀呢科嘅同學，當然都必須要係顏值較高嘅同學，先可以加入啦。

一上堂嘅時候，教呢科嘅Ms Chan就派咗一人一份劇本，然之後就開始講解劇本嘅内容，等同學可以清楚了解原作嘅編劇同導演想要咩嘅戲劇效果

「好啦各位同學，如果大家都明咗個要求之後，依家就可以分每四個人一組，然後互相去排呢場戲，好好感受一下幾個角色嘅感覺。」

於是班上嘅同學就開始分組，而韻喬就同天殷大國眼色之後，就一齊起身走去俊軒同禮謙面前。

當然，喺天殷帶住韻喬行到俊軒面前嘅時候，俊軒塊面都流露出一個非常驚恐嘅表情……「殷殷、呃…….小喬，你地……走過黎做咩呀？」

天殷於是就喺度笑俊軒「小軒你見到喬喬啫，使唔使咁緊張呀？」





「冇……冇呀，我邊度有驚呀？」俊軒反問天殷道，當然韻喬就一直都面無表情咁望住俊軒。

因為韻喬唔想畀俊軒知道，到底依家自己嘅諗法為何。

「小喬、軒仔、謙謙，如果我地四個人一組好唔好呀？」天殷按照住小息嘅時候，同韻喬達成協議嘅“劇本”，主動問禮謙、韻喬同俊軒。

其他三個人都話「我OK呀！」，於是佢地就開始對劇本。

而喺佢地四個對好劇本嘅之後，韻喬就突然提出話「eh……我想問可唔可以同俊軒同學一組，然後先一齊練習呀？」

但係同頭先一樣，韻喬依然冇將心中復仇嘅欲望寫喺自己嘅表情上，反而就用一個非常普通嘅語氣問俊軒......

（待續 ~）





IG link https://instagram.com/bear_big_big_writer