《愛在。貴族學園》: Ch 11 ~ 首次獨處 Part 10

Ch 11 ~ 首次獨處 Part 10（連載日期：2022/02/14）

「嗱，如果你乖嘅話，最多……一陣間幫你按下其他地方啦，好冇呀？」
 
韻喬諗一諗之後，就露出微笑話「好呀，反正呢排我都好攰下，如果有人主動話可以幫我按下嘅話，都何樂而不為嘅」

「攰就記得要注意作息平衡呀，雖然我地都知道你好緊張自己成績，知道未呀？」俊軒一路繼續按摩一邊道。「知道啦！」

喺俊軒按摩嘅期間，韻喬喺心裏面都再次覺得好窩心，就好似今日喺醫療室嘅時候咁。因為韻喬覺得，咁大個女以黎，都冇一個男仔會對自己咁好，而且仲要唔係自己嘅男朋友。





皆因之前絕大部分嘅男仔，都係因為想自己做對方女朋友，而接近自己，但係就冇做過咩令到韻喬感動嘅事。

雖然俊軒都可能係對韻喬有意思，不過自從喺“見家長”飯局之後，俊軒嘅行為舉止，真係有根本上嘅變化。

雖然韻喬唔知道，俊軒咁做係真心對自己好，定單純想喺補償之前嘅事之後，再故態復萌周圍flirt女。但係至少喺呢一刻，韻喬都覺得俊軒未必係之前自己諗得咁差。

之後韻喬覺得自己個身好熱，於是就同俊軒講「俊軒呀，你可唔可以幫我開一開冷氣呀？你用電視機前面白色個遙控，我覺得有少少熱呀」

同時韻喬都稍為拉低自己套校服後面條拉鏈，幫自己散熱，不過韻喬幾乎拉到落底，令到條底裙同bra帶都露咗出黎。
 




不過韻喬覺得熱嘅實情，其實係因為韻喬開始發燒，但自己完全唔知道。喺開完冷氣之後，俊軒就繼續同韻喬搽藥油。

雖然俊軒都覺得，韻喬喺呢種天氣之下開冷氣好似好奇怪，但畢竟依家自己喺韻喬屋企，對方先係主人，所以自己都唔應該過問太多。

「好啦小喬，我諗應該都差唔多啦」好快俊軒就幫韻喬搽完油「你依家好似頭先喺醫療室咁，試下行幾步路睇下有冇好啲？」

「哦，好呀！唔該你喎！」韻喬於是就照住俊軒嘅意思去做，落地行咗幾步路。
 
不過韻喬完全唔記得自己拉低咗自己條校裙後面嘅拉鏈，於是都露出咗少少背脊畀俊軒睇，但係俊軒見到都冇太大為意，只係望咗兩眼





「我好似已經好好多啦，唔該你呀小軒」韻喬嘅步速都比剛剛整親嘅時快返唔少，於是都非常有禮貌咁對俊軒表示感謝。

「唔好咁客氣啦小喬，大家都一場同學……而且都識咗咁多年」俊軒微笑咁回應韻喬「係呢小喬，你仲有冇邊度覺得痛呀？等我幫你都按下啦」

韻喬於是就話「都係膊頭同埋頭囉小軒，咁就麻煩你幫我按下啦，唔該」

「好呀，能夠為靚女你效勞，都係我林俊軒嘅榮幸黎」俊軒為咗同韻喬可以拉返近少少距離，於是都搞下gag。

雖然韻喬都因為呢句説話而笑咗出聲，不過就唔係好賣帳啦「算吧啦你，又口花花，我先……冇咁容易畀你flirt到呀！」

俊軒笑而不語。只係繼續好專心咁，幫韻喬按摩「舒服嗎，小喬？」

「舒服呀，不過個頭唔知點解都仲係有少少痛咁，但已經好過頭先小小啦！」

「你頭先上堂嘅時候有頭痛黎？」俊軒好好奇咁問





「就……個頭有少少重啦，所以都唔係太集中精神到」韻喬回答道「不過，我諗都應該冇咩嘢咖啦小軒，你如果要趕時間嘅話，你可以自己走先咖，我搞得掂自己咖啦！」
 
「做咩呀小喬？我唔趕時間呀……」俊軒微笑回應「不過呢，你記得今晚臨訓覺之前，都要好似頭先咁自己喺隻腳度搽多次藥油呀」

「如果唔係嘅話，我怕你會唔好得哂嘅話，會痛到聽日咖，知道未呀？」俊軒再三提點韻喬。
 
「知道啦長氣鬼！」韻喬好唔耐煩咁講，但其實内心都有一股莫名嘅甜絲絲，驀然之間湧上心頭「好啦，我都要換衫然後做功課啦，你都係走先啦，唔好要你司機喺唔知邊度等你咁耐啦」
 
「嗯…咁你自己照顧好自己啦，有咩就打電話搵我地啦。你今晚有冇食物呀？」俊軒繼續關心韻喬咁問

「我有呀，爸爸媽媽臨出發之前，已經有喺雪櫃裏面預備食物畀我咖啦」

「ok啦咁，如果你想我地陪你食飯就同我地講啦，咁我都係走先啦，聽日喺學校見啦，Bye」





俊軒於是微笑向韻喬道別，講完之後就出咗門口，剩低韻喬自己一個喺屋裏面，然後就準備做功課。

（Ch 11  首次獨處 ~ 完）

IG link https://instagram.com/bear_big_big_writer