Ch 13 ~ 吵架 Part 2(連載日期:2022/03/11)

「陰功囉小喬,你係咪好唔舒服呀?」天殷見到韻喬之後驚呼道。

韻喬於是就好奇起嚟「嗯?做咩咁問呀殷殷?」

「你依家面青口唇白哂咁囉!」好明顯因爲畀韻喬嘅病容嚇親,韻喬於是就拎起塊鏡照一照,果然自己面色真係好差「小軒、謙謙,你地兩個睇下喬喬面色先啦!」

於是兩個男仔都即刻望住韻喬「睇落又真係好差喎」俊軒同禮謙都和應。



「小喬呀,其實你依家到底係咪真係冇咩事咖?你如果好唔舒服嘅話真係要出聲,唔好夾硬嚟呀!」俊軒非常關心咁問韻喬,同時都將筆記放喺茶几上「而且你過咗一晚之後,你隻腳都有冇好啲呀?」

「係喎,我都唔記得要同韻喬同學你講對唔住,如果唔係我整到你,你都唔會因為我而受傷」禮謙都再一次同韻喬道歉。

「ok啦小軒同禮謙,我多謝你地兩個關心先」韻喬面紅紅咁感謝俊軒道「不過,就唔知點解有時候個人就好熱,但係有時候又好凍咁,係食藥之後就好啲。」

「至於隻腳啦喎呃…我諗應該都好得八八九九咖啦,尋日真係好多謝你幫我搽油呀小軒」
 
「咦,你話個人仲忽冷忽熱咁?張韻喬小姐,我想問下呢,你到底有冇食藥咖?I mean到底有冇”準時“食藥」禮謙見狀,都自然會加入關心下心上人嘅情況。



不過就覺得韻喬嘅答案,有少少奇怪,所以喺關心嘅時候,禮謙都抱有少少懷疑嘅態度去問韻喬。

當然,韻喬咁聰明,一下就知道禮謙喺度懷疑自己,於是就有少少不滿話「我緊係有啦!」

但韻喬之後都有少少心虛,所以就好細聲咁繼續講「我呀不知幾乖,有食藥有照顧自己咖!我張韻喬邊度有好似你地講得咁冇用呀?!哼!」韻喬之後仲嬲到嘟起自己個嘴,雙手橫放胸前。

天殷見到韻喬開始有少少情緒,於是就要出招安撫一下韻喬「乖啦喬喬,我地幾個又唔係唔信你,或者話你冇好好照顧自己。咁我想問下啦,Uncle Auntie係幾時開始出咗trip咖?」

「咪就係啱啱嗰個星期日咋嘛……就係要我幫俊軒去扮佢個所謂嘅”女朋友“之後嗰日出發嘅」韻喬非常誠實咁答天殷時,順便都再一次暗寸俊軒,不過俊軒就冇出聲「但係我記得我媽媽應該有喺Signal同你講清楚咖喎!」
 


「呀,係喎!張auntie仲同我交代得好清楚添哈哈!但係,你父母有冇話過,幾時會返香港呀?」天殷再追問韻喬,當然天殷都打咗個眼色提示韻喬,表示自己個問題其實係幫俊軒同禮謙問。

韻喬收到之後,就收起頭先嘅情緒,非常平淡咁話「佢地話,最快都要下個禮拜尾先返喎,而且仲要係夜晚先返到…」

而天殷喺呢個時候,就幫俊軒同禮謙兩個斟咗一人一杯水,就好似女主人咁自然「唔該你,殷殷」

但喺聽到韻喬嘅回答之後,「咩話?!你父母要去到下個禮拜尾先返嚟?」俊軒同禮謙驚訝道

「佢地一齊出trip去做嘢呀?」俊軒追問道「係呀,小軒,佢地出發之前話要去河南嘅駐馬店」

「嘩,去到駐馬店呀?我都唔知係喺河南咩地方嚟」禮謙聽到之後,有少少驚訝咁講

「不過,好在我地今日得閒,而且覺得你唔係好對路,所以先話上嚟睇下你咋,韻喬同學……」

(待續 ~)



=====================================================================

由即日(2022/03/11)開始,加更嘅條件將會有更改,會由三平台總點擊數量,改為按Penana總喜歡數量計算。初期會每增加100個喜歡加更一篇作為條件,但未來可能會有加價嘅可能。

為防止洗板,每位讀者每日最會計算4個喜歡,多出嘅唔會計算,一切將會以本熊喺Penana通知為準。再一次多謝大家支持。
Penana版地址 https://www.penana.com/story/85319/%E6%84%9B%E5%9C%A8-%E8%B2%B4%E6%97%8F%E5%AD%B8%E5%9C%92

IG link https://instagram.com/bear_big_big_writer
已有 0 人追稿