Ch 15 ~ 告白 Part 8(連載日期:2022/04/20)

「呢度呢,你試下將個y掟過去呢邊,自然就會solve到咖啦!」過咗好一段時間之後,俊軒就喺度教緊韻喬做數學。「但係小喬呀,呢個對你嚟講應該唔會好難咖喎!」

於是韻喬就跟住俊軒嘅説話去做,好快就將呢條數學題目成功拆解「係喎!原來要咁樣咖……」韻喬一邊食飯一邊驚醒道「我點解之前一直都諗唔到要咁樣計嘅呢?唔得唔得,一陣間要溫書煲Maths先!」

不過,喺病房裏面,韻喬講完呢一句之後,突然間陷入一片寂靜...

呢片寂靜就引起韻喬嘅注意,但韻喬喺拎轉頭就見到,俊軒好入神咁睇住自己,而且都哄到自己塊面好埋……





「俊軒!林俊軒!你做咩…做咩咁樣….望住我呀?」韻喬紅哂塊面咁,而且心跳都再一次加速,於是好驚恐咁問俊軒。

但係俊軒都冇回答到韻喬嘅問題,於是韻喬就再問俊軒「係咪我塊面上面有啲咩喺度呀?」喺見到韻喬想用鏡,照一照塊面上面喺咪有嘢…

「張韻喬,我想……畀你聽一樣嘢!」俊軒好嚴肅得嚟,又有少少溫柔咁講出呢句話,同時都喺自己部電話裏面,撳咗一首歌。

俊軒同時就將其中一邊嘅Airpod,好小心咁交到韻喬手上「小喬你戴好個耳機先」

「哦,做咩呀你,突然之間咁樣,奇奇怪怪咁!」韻喬一邊戴耳機一邊喺度抱怨。





喺俊軒確定韻喬戴好耳機之後,一段音樂就隨即開始……

(建議大家開住一邊睇一邊聽:https://www.youtube.com/watch?v=VFOSuSIpdjw

這是愛承諾用心戀愛
 註定要和你同步飛身愛海
 
 誰人是最愛 全情投入去愛
 有你每日也精彩
 




 永遠與你一起 日後都只愛你

 永遠的心動每日也令我回味
 珍惜就像調味 能維繫便銘記
 愛你能教我幸福一世紀

  Oh baby, I love you, I'll love you everyday
 
永遠的心動每日也令我回味
  珍惜就像調味 能維繫便銘記
  愛你能教我幸福一世紀感激遇到你”
 
播完呢一段之後,俊軒就直接sharp cut咗段音樂,同一時間,俊軒好小心咁,將韻喬耳仔上面嘅Airpod除返落嚟,放返喺個case裏面。

「林俊軒,你依家好同我解釋清楚,你咁樣無端端播呢首歌畀我聽,係想表達啲咩意思啦喎?」韻喬壓低自己嘅聲線,非常嚴肅咁質問俊軒嘅用意。

「下,你一直都咁聰明,你咁都仲要我解釋呀?張韻喬!」俊軒不但冇直接回答韻喬嘅問題之餘,反而仲走去反問韻喬,擺到明要韻喬自己講甚至喺度吊癮。但係喺同一時間,





「咁……咁梗係啦!」韻喬非常不滿咁講「而且我…我又唔係你肚裏面條蟲,我點知你想點呀死人頭林俊軒?」韻喬喺呢一刻都已經想打俊軒一下,作為一個少少嘅警告,但係都因為有鹽水在身而作罷。

「你真係要我解釋,唔自己估啦嘛?」「係呀!死人頭,唔好浪費我時間啦!」俊軒再問韻喬,然後隔一陣再講下面嘅説話。

但韻喬喺表達不滿之後,就冇再畀反應「OK!我嘅意思係,張韻喬同學,我……鍾意你!」俊軒仲再一次慢慢靠近韻喬身邊。

韻喬聽到俊軒咁講之後,成個人呆咗,而且塊面又紅哂

「嘖,做咩事啊今日,頭先先有人表白完,依家又一個同我表白都有嘅?」韻喬起初非常不解咁講,而俊軒其實知道,韻喬口中所講嘅表白完,就係禮謙。

但再不解都好,都會有反應嘅時候。韻喬好快就諗起頭先禮謙對自己所講嘅説話之後...

「噢!我知道啦!林俊軒你個衰人,你一定係同禮謙兩個夾埋,然後一齊整蠱我係咪?!!」韻喬此時已經有少少嬲,然後用右手一嘢打落俊軒嘅背脊度。





「嘩!你…你喺度講咩呀小喬?我唔明咩同謙謙夾埋一齊喎!」俊軒要喺度忍痛之餘,仲要喺度詐傻扮懵

「可能今日都只係巧合咋嘛,我絕對冇同禮謙夾埋玩你,我係認真嘅,我係真係鍾意咗你呀,張韻喬……」俊軒用堅定嘅眼神同韻喬講。

「其實小喬你知唔知?我其實每次同你嘅眼神對上嘅時候,我就感覺到,我個心喺度亂跳,而且個人仲好熱好緊張,你明唔明呀?」俊軒繼續喺度同面紅紅嘅韻喬表白。

「哈!你份人真係好笑咖喎林俊軒!你之前唔係成日喺其他人面前話我暴力,然後唔鍾意咖咩?」

「但依家你又唔覺得我係暴力狂啦咩?下!你到底想點呀?你到底當我係乜嘢呀?!」韻喬再次質問俊軒,而且都有少少激動。

「呢位施主,你冷靜少少先啦,醫院嚟咖呢度……」俊軒首先提醒韻喬「而且你都應該有聽過“人會變,月會圓”呢句説話咖嘛!」

俊軒再次回避問題「就算之前我係覺得你暴力都好,但係依家我覺得你真係我鍾……」

但就喺俊軒講到一半嘅時候,韻喬突然之間用右手,打咗自己塊面一下,講得白啲其實就係自刮一巴…





(待續 ~)

IG link https://instagram.com/bear_big_big_writer
已有 0 人追稿