Ch 21 ~ 一巴掌 Part 6(連載日期:2022/11/25)

嘉惠聽到一大輪指責自己嘅說話之後,個心就更加唔舒服,而且都好嬲,於是好大聲咁反擊話「哼!我就唔信,好似張韻喬佢呢啲咁樣嘅窮家女,林auntie 又會畀你同佢一齊嘅!」

「黃同學,你依家唔信都冇用咖啦…」俊軒語氣冰冷咁同嘉惠講「因為佢就係我阿媽個仔鍾意嘅人!一個咁簡單嘅道理,你咁大個人,睇過咁多劇集,又可以入到我地學校讀書,都唔會唔明咁簡單嘅道理啦下話?」
 
俊軒此時改為用手抱住韻喬條腰。不滿被抽水嘅韻喬,順便就喺後面攆咗俊軒後大髀一下,警告對方唔好藉住同嘉惠對抗嘅時機喺度抽水。但俊軒當然都冇鬆手,繼續將手放喺韻喬嘅腰上。

嘉惠呢個時候塊面就更加紅,怒道「哼!我就唔信呀,張韻喬可以同你永遠咁喺埋一齊呀!由其喺你兩個結婚擺酒嗰陣,你父母啲生意夥伴見到之後,會點睇新娘子原來一個窮家女呀啦?」



俊軒聽到之後仰天一笑「哈!你真係有趣啦!!依家你係同自己心愛嘅人拍拖、結婚吖,定係同你父母做生意嗰啲uncle、auntie拍拖、結婚呀!?」
 
「嘩!乜原來依家鍾意人,唔可以從心所欲之餘,仲要睇其他唔關事嘅人嘅面色嘅咩?哇你唔講你係現代人嘅話,我都真係唔知你係咩年代咖喎?!」天殷呢個戲精繼續煽動嘉惠嘅情緒,因為佢自己知道,要先逼到嘉惠發癲,然後等嘉惠再對付韻喬之後,先再可以刺激到韻喬坦誠面對自己鍾意俊軒嘅諗法。
 
同時,天殷同禮謙都輕輕按住韻喬嘅膊頭,以示對俊軒同韻喬嘅支持「(多謝你地呀,殷殷、禮謙!)」韻喬好細聲咁同佢地講。
 
「黃嘉惠同學,我可以好肯定咁同你講,只要我林俊軒一日都愛住張韻喬同學佢,我就可以同佢喺埋一齊!」俊軒胸有成竹咁講,而喺身邊嘅韻喬,心裏面就已經有一絲絲甜意。
 
「而且,我都對我嘅女朋友非常有信心,我地一定可以long-last到呢段感情!係咪呀,喬喬?」韻喬點點頭對住微笑,表情都非常自然,令其他同學都覺得,俊軒同韻喬係真係拍緊拖。
 


「唔好意思,我帶一帶喬喬去洗手間先,幾位失陪先!」俊軒於是就拖住韻喬離開5A班房,直到去到比較遠離嘅地方,俊軒先敢放手。當然,其他同學都藉機起鬨啦。

一直處於下風嘅嘉惠,喺等俊軒同韻喬出咗去之後,就繼續喺班房裏面發炮,令其他同學為之側目「唓!!佢地兩個深情又點呀!?就算係咁呀,只要我一插手落去呢段感情裏面嘅時候,佢地兩個肯定唔可以再喺埋一齊!」

天殷聽到之後非常不滿,大聲質問道「黃嘉惠同學!你到底仲想點呀?你係咪真係要搞到5A個個都唔開心,你先安樂呀?」

嘉惠用一個恐怖眼神警告天殷「李天殷同學,你就同我少擔心啦,我自然有我自己特有嘅辦法,去解決張韻喬呢個賤女人,你地全班就即管同我睇住嚟啦!睇下邊個先係最後得到俊軒嗰個!」

「你鍾意點就點啦!」天殷講完依句之後,就冇再理嘉惠,而係自己一個跑去洗手間搵韻喬同俊軒。至於俊軒,就喺洗手間門口一邊睇風景,一邊等韻喬出嚟。好快天殷就同俊軒喺女洗手間門口會合。
 


「咦軒仔!乜喬喬佢仲未出嚟呀?就快打鐘上堂啦喎!」天殷對一對手表之後,就好緊張咁問俊軒。
 
「未呀!可能……小喬佢想洗個面先,然後先再返去上堂掛?畢竟……頭先小喬先畀嘉惠打咗一巴…」俊軒聽到天殷同自己講嘢,就即刻望向天殷。

(待續 ~)

IG link https://instagram.com/bear_big_big_writer
已有 0 人追稿