《愛在。貴族學園》: Ch 25 ~ 開始 Part 7

Ch 25 ~ 開始 Part 7（連載日期：2023/05/02）

「我唔係核突呀，我都係講事實咋張韻喬！」天殷一臉正經咁喺度否認「但係喬喬呀，你平時睇埋咁多書，點都應該有睇過啲愛情小說啦下話。」

「有呀，跟住呢殷殷？」韻喬聽到天殷咁問嘅時候，都好似未察覺到發生咩事咁。

天殷見韻喬仲未有反應之後就繼續問韻喬「喬喬，既然你話你有睇過愛情小說啦，咁唔知你記唔記得，通常當愛情小說裏面嘅主角，慢慢愛上一個人嘅時候，會有啲咩symptoms出嚟啊？」

韻喬於是再好認真緊諗咗一陣，終於都發現自己有唔對路，面容都變得有少少驚慌失措，然後就好細聲咁問咗大家「呢….呢啲….咪就係我……我對小軒嘅感覺嚟？唔通….唔通…..我真係……鍾意咗小軒？」





其餘三人聽到韻喬終於發現自己嘅之後，都即刻笑逐顏開，無非都係因為見到韻喬喺感情至上終於開竅。

禮謙先過嚟抱一抱韻喬作為安慰同鼓勵，然後就微笑道「係啊小喬！你就即管相信你嘅情感認知，同埋呢一刻嘅感覺啦！而且，就算你想同我喺埋一齊都好，我都會諗住將你交畀小軒！希望你一陣間會接受佢啦！」之後禮謙自己就退開，由俊軒補上位置。

俊軒於是慢慢走到韻喬前面，然後輕輕咁拖起韻喬嘅手，非常溫柔而且情深深咁望住韻喬問「張韻喬，喺你心底裏你其實…鐘唔鍾意我呀？無論鍾意又好，唔鍾意又好，你都話畀我知啦，好嗎？」

韻喬聽到俊軒嘅提問之後，再一次怕醜到紅都面哂，然後就輕輕咁咬一咬自己嘅下唇。

不過好快，韻喬突然就由俊軒手上抽起自己隻手，然後就好細聲咁話「我……鐘意...鍾意你…」





俊軒、天殷同禮謙聽到韻喬講出自己心底裏嘅說話之後，就面露笑容，然後俊軒又再對韻喬話「小喬，既然你都已經認清心意啦，不如你試下再講一次“張韻喬鍾意林俊軒”畀我聽啦，可唔可以呀？」
 
而企埋一邊嘅天殷同禮謙就好開心，眼神都充滿期待。一方面可以親眼見證到，韻喬終於鼓起勇氣，表達自己對俊軒嘅情感，同時都等緊俊軒同韻喬，喺愛情上仲有啲咩其他嘅化學作用。

不過，韻喬對於自己已經喺大家面前表明心跡之後，俊軒臨時仲要提出另外一個，令自己更難為情嘅要求，頓時火大咁話...

「林俊軒你好啦下！頭先你地都已經呃咗我出嚟啦，依家仲要我喺度……講呢啲骨痹說話！？你有冇過分啲呀！」

「哼！我都係走先啦！我先唔同你地幾個喺度癲！」於是韻喬就突然轉身，準備離開瑪麗醫院急症室。





大家見到韻喬咁樣，霎時間都變得非常緊張，但係正因為大家都知道韻喬嘅性格，所以都唔敢輕舉妄動。

而身為男主角嘅俊軒，一路以來追韻喬追得咁辛苦，見韻喬突然之間發脾氣話要走人，於是俊軒都唔理得咁多，直接由後面緊緊咁抱住韻喬「哇，你喺度做咩呀？！放手呀！」

韻喬顯然都被俊軒突然嘅舉動嚇到，然後俊軒都一面驚恐咁望住自己緊緊抱住嘅韻喬。

「張韻喬，我求下你啦，我真係好鍾意你，你可唔可以做我林俊軒嘅女朋友？」俊軒抱住韻喬之後，就講出呢句話「如果你願意接受我嘅話，就拖起我隻手啦！」而今次都係韻喬咁大個女以來，第一次聽到男仔情深嘅表白。

而喺度食花生嘅天殷同禮謙就繼續睇戲，完全冇介入韻喬同俊軒之間嘅對話，只係靜待韻喬接受。

不過喺聽到俊軒嘅表白，佢地兩個都覺得心好甜。但就喺禮謙望向天殷嘅時候，天殷塊面都突然之間紅起上嚟……

（Ch 25 開始 ~ 完）

IG link https://instagram.com/bear_big_big_writer