《愛在。貴族學園》: Ch 34 ~ 陸運會之三 Part 10

Ch 34 ~ 陸運會之三 Part 10（連載日期：2026/06/06）

「話說謙謙呀，你嘅200米最後點啊？」韻喬非常有興趣咁問。

「你同我放心啦小喬同學，我入到複賽啦，聽日先跑！」禮謙沾沾自喜咁講。

「好啦幾位同學，頒獎禮就快舉行啦，麻煩唔好塞住條路。有獎攞嘅同學就去報到區報到啦！」而講野嘅就係Mr Ho。
 
之後韻喬、俊軒同禮謙就去咗報到區，而天殷就自己一個返去看台。頒獎典禮隨即舉行，陳校長陸續將獎牌交予各位得獎嘅選手。





三個人臨走之前，就自己selfie咗一張，而天殷都有幫俊軒同韻喬呢對小戀人影咗幾張相，第一日嘅陸運會就咁結束咗。
 
為咗喺第二日可以有更好嘅表現，四個人都決定今日都快啲返屋企休息，於是就各自返屋企。

而俊軒就當然要負責車埋韻喬返去北角，途中佢地兩個人都冇講啲咩，因為經過全日比賽，韻喬都已經有少少攰，所以就挨住俊軒胸口上休息。

而本來想同女朋友傾計嘅俊軒，見韻喬訓得咁舒服，就決定唔騷擾對方。

直到車返到韻喬屋企樓下，俊軒先至叫醒韻喬。
 




「喂，我地到啦，起身啦，小喬！」「嗯…….咁快到嘅？」韻喬一伸懶腰，就將自己美好嘅身材展現於俊軒面前，睇到俊軒入哂神。

「嗯……小軒？做咩眼甘甘咁望住我啊？我面上面有嘢啊？」韻喬同時都下意識咁摸一摸自己塊面。

被韻喬發現之後，俊軒有少少心虛，但好在啱啱訓醒韻喬都冇發現啲咩，不然韻喬一定會用暴力還擊。
 
「冇啊，我見你今日你比賽完都攰啦，所以聽日見啦。記得今晚早啲休息啦，聽日你仲有比賽咖！」之後俊軒就用手輕輕將韻喬個下巴拉向自己，然後輕輕一吻。

兩片嘴唇一下碰撞過後，韻喬有少少怕醜，但又輕輕咬住自己下唇，好似有少少挑逗俊軒，等俊軒畀多啲自己嘅意味。





俊軒即刻收到韻喬嘅訊號，哪怕就算有司機喺部車裏面都好，佢地兩個都盡情享受對方喺嘴唇上，傳畀對方嘅情感。
 
放開口之後，韻喬就同俊軒講「嗯嗯，你都唔好太夜啦，記得都要抖足精神啦，知道未呀，男朋友？聽日喺運動場上面見啦！」

「知道啦，女朋友！不過，你唔使我嚟接你咩？」俊軒反問韻喬嘅呢個問題，都搞到韻喬受寵若驚。

「唔……唔使啦，咁麻煩而且都唔順路，聽日直接返去運動場等咪得囉！」

「咁好啦，聽日見啦，bye bye小喬！」「bye bye小軒！」

之後，林家嘅司機就幫韻喬打開車門，韻喬就離開座駕，講咗一句唔該之後，韻喬就笑住咁返到入大廈裏面。
 
到夜晚食完飯之後，俊軒就喺個group度話不如聽晚四個人出去食飯慶功，然後幾個人都同意。

同一時間，俊軒就喺Signal度私底下約韻喬，想嚟緊星期日出去玩同拍拖。





好愛自己男朋友，再加上想珍惜呢十幾日嘅韻喬，當然好快都同意，於是韻喬就同張太講話，聽晚同星期日晚都唔返屋企食飯。

然而張太就冇咩表示，因為張太都知道就算韻喬點樣否認都好，自己個女其實已經開始拍拖，對於韻喬成日唔返屋企食飯都唔意外.「小喬，你玩還玩，唔好去得太夜就得啦！」

「知道啦媽媽！」張太就講咗呢句，而韻喬哦咗一句就去洗手間冲涼，然後再返房間休息。

（Ch 34  陸運會之三 ~ 完）

IG link https://instagram.com/bear_big_big_writer 
Threads https://www.threads.net/@bear_big_big_writer