《愛在。貴族學園》: Ch 37 ~ 陸運會之六 Part 3

Ch 37 ~ 陸運會之六 Part 3（連載日期：2026/10/19）

而喺去到一半嘅時候，俊軒同雪盈就發現有一男一女嘅同學，喺樓梯嘅暗角裏面，非常忘我咁喺度鬼混。

身為女仔嘅雪盈見到之後，當然就非常怕醜啦，塊面越來越紅，仲緊緊夾住大腿。但佢地為咗暗中觀察，所以佢地最初都冇出聲。

不過呢對偷情男女縱情情色之中，根本唔知有人正在接近，繼續發出「嗯嗯嗯」嘅聲音。

經過一段時間嘅觀察，俊軒見眼前對男女同學，都冇發現有人喺度而停低嘅意思，於是就同雪盈打個眼色。





雪盈喺點頭同意之後，俊軒於是就上前開聲問「呢兩位同學，你地依家究竟喺度做緊咩啊？」

呢對同學喺聽到俊軒嘅說話之後，先係好似煞有介事咁，停止佢地進行至中嘅動作，然後就大吃一驚點解會畀人撞破。

今次就到雪盈用班長兼領袖生嘅威嚴語氣，對住兩位應該係低form嘅同學講「你地兩個，到底知唔知咩叫尊重自己同尊重場合？不過喺我地繼續講之前，麻煩着返好哂啲衫褲先！」

呢一男一女同學就即刻整理自己凌亂不堪嘅衣服，繼而成個人震哂咁望住俊軒同雪盈。
 
「呢兩日嘅陸運會，本來就係大家可以競技、比賽，而且應該都屬於群體活動、聯誼嘅場合。不過，你地兩位同學居然偷偷去運動場嘅暗角鬼混？簡直離哂譜！」俊軒一本正經咁訓斥眼前呢兩位低年級嘅學生。





「你兩個，麻煩跟一跟我地過嚟，去見一見訓導主任！軒仔，你跟住後面！」過咗15秒都冇，雪盈就認為兩位同學犯校規，應該就要接受相關嘅處罰，於是就同兩位鬼混嘅同學講。
 
兩位同學聽到雪盈話，要俊軒同雪盈帶自己去見訓導主任之後，都變到好驚青，仲連忙同俊軒、雪盈道歉「對唔住啊俊軒師兄、Prefect姐姐！我地其實唔係有心唔投入陸運會咖，只不過……」

「不過咩？」個男同學首先解釋。
 
「我地兩個其實都好掛住對方咖，因為我….我地平時都好少機會見面，只不過我地真係一時把持唔住，所以……所以先走嚟後樓梯…..」女同學都嘗試向俊軒同雪盈求情。

不過，俊軒聽到頭先個男同學叫得出自己個名感到非常驚奇，所以好好奇咁問「喂咪住先！你地係Form 幾咖？而且你地點解會識我個名？」
 




「喔，我地係…Form 2咖！」女同學一邊繼續整理好t-shirt一邊回答俊軒「其實你喺我地都好出名咖，而且最近我地form都有聽講，你同緊Form 5個優等生校花拍緊拖，佢個名……好似叫張韻喬同學？」
 
俊軒聽到個小師妹咁講之後，即刻紅都面哂。而雪盈喺隔離都即刻陰陰嘴偷笑。

於是俊軒就話「嘩！乜原來喺呢間學校真係冇秘密咖喎哈哈，我同邊個拍緊拖都傳到你地低form嗰度？不過正正都因為咁，唔好以為冇人見到就冇人知，或者冇人之後會講。」

「所以呢，你地都唔好再亂嚟啦！由其你地依家仲就係未成年，雖然年輕人對呢樣嘢都會有好奇，但係如果把持唔住嘅話，就有機會做11哥，會坐監留案底架，知唔知道？」雪盈呢個時候都放低身為prefect嘅威嚴，好好咁同兩位form 2同學說教。

（之後仲會？）

（待續 ~）

IG link https://instagram.com/bear_big_big_writer 
Threads https://www.threads.net/@bear_big_big_writer