《我和她的故事》: 第一章：我和她的邂逅

第一章：我和她的邂逅 



一切嘅故事都要喺嗰日講起...  
嗰日放學,我個死黨啊杰搭住我膊頭講
「喂！你睇吓,我琴日喺IG有條囡Hi我！」
「千幾follow, 睇下先。Cherry...又幾靚女wor,啱哂你啦。」無奈嘅我話
「梗係啦!依條囡簡直同我天作之合。」佢望住我好得戚咁講
  望住人又靚仔，成績又好，運動又勁,屋企又有錢嘅呀杰。

  我好無奈,呢啲故事中先有嘅男主角,喺我隔離就有一個活生生嘅例子。  
  我喺心入面唉咗一聲。  我唯有望住佢苦笑。
   
  返到屋企之後,我拎起我部電話。突然見到IG多咗個新follower ,仲要係女仔添，我撳咗入佢profile 睇吓，見到佢有幾百followers,跟住望落去佢啲post度,見到一個關於佢失戀嘅post。

我就冇乜點擺上心，亦都無留意咁多
 
 兩日後, 

 呀杰搭住我膊頭講,你睇吓依個......  

「閘住！你上次嗰個Cherry 呢？」我好疑惑咁問佢 
「唉，厭啦，佢都唔係話咁好啫,喂你睇下依個先，雖然冇千幾follow,但係睇吓佢story都幾唔錯。」佢笑淫淫咁講
「睇過…」咦 ? 依個未係follow咗我，嘅嗰個囡仔,我都冇留意佢有post story ,見到佢自拍,我個心有一種好奇怪嘅感覺。
「都ok...啦…」我講。  
「今次我志在必得 !」望著佢得戚個樣,我真係冇話可說。

   嗰晚我返到屋企,我撳入佢profile睇吓佢story,見到佢我真喺好似有啲一見鐘情，見到佢眼大大，笑得好甜,再撳多一吓去咗下一個story，見到佢有個vote story， Chat? 

 點知我手多多撳咗落去，我撳完之後就有少少後悔，就喺因為怕尷尬，雖然人哋好靚女，不過我唔知人哋點諗我,我淨係想做佢其中一個嘅follower就算。

不過我都無理太多，所以就繼續睇story。  
 
 過咗一陣，我收到佢reply，喺我個ig notification彈咗句 Hi >_<  

我有少少驚訝，我以為佢唔會點理我，話晒我地都無講過嘢，估唔到佢會真係會搵我，冇乜同囡仔傾計既我,我就覆咗
「Hi?  」
「Do I Know you ？」佢問。
「No。」  我同佢講。我最怕嘅情況出現咗啦，尷尬，都唔知覆咩好。

依個就係我哋第一次嘅對話。

「Chat what?」我問
「冇所謂。」佢秒覆

  我心諗係套路！？





  無辦法，如果要同佢傾計就要制造話題，我又有啲咩可以同佢講？ 突然，我諗返起前幾日，佢出咗個失戀嘅post，於是我順水推舟。

 「Hello，想問下你係咪失戀？」​我話。
 「邊有人同女仔講嘢，第一句嘢就問佢係咪失戀架」佢覆  。
 「欸係喎...」我心諗柒咗,不過總算打破咗我哋之間嘅一層尷尬嘅隔膜,起碼佢有覆我先...  
 「Sor...」 
 「唔緊要啦，都過咗一排啦，唔好講啲唔開心嘅事啦。」佢覆我。  
 「嗯。」
 「見你story,你都有睇排球少年？」

  我個心震咗一下，佢竟然都會留意我啲story 

「係呀，我D friend 都有睇佢哋介紹我睇，睇下睇下就鍾意咗睇」  
「我都係呀，我好鍾意睇。」




「你最中意邊個角色？」有機會緊係要問落去。
「我最中意日向翔陽，佢好型啊。」
「我都係呀，佢同影山一齊打波真係好好睇呀」


   個晚我哋傾咗好耐，傾咗好多話題，我哋由十二點傾到凌晨三點  我哋由動漫傾到各自嘅興趣，再由日常瑣碎事傾到未來想做D咩，我哋就好似兩個好耐冇見嘅朋友一樣，係咁傾，係咁傾...... 



 但係現實係,我連佢叫咩名都唔知。