《我和她的故事》: 第二章：我和她的對話

第二章：我和她的對話 


如是者我哋日日傾計,日日傾計。每日返到屋企第一件事就喺IG DM 佢。佢就好似無形咁融入咗我嘅生活日常。依種關係一直維持到暑假。

  直至有一日，

  「喂！妳喺邊呀？返到屋企未？」我見到佢上線中,但喺佢冇覆我。
  
唔知點解我嗰心有啲唔舒服,有啲想一直揸住嗰電話直至佢覆我為止。





過咗一陣佢終於覆我
  「Sorry ,啱啱同嗰friend傾計。」
  「Friend? 男仔嚟㗎？」當然依啲心底話,我唔會講出口。
  「OK,冇乜嘢呀嘛？」
  「冇呀。」
  「哦。」

  我發現,我可能認為佢融入咗我生活,但係佢係咪真係都當我係佢嘅生活嘅一部份？唔通依啲全部都係我一廂情願？我一直以嚟都係騷擾緊佢？而佢覆我，都只係因為禮貌上覆我？我知道我冇權利去強迫佢要去即刻覆我。但係佢唔覆我,我個心就會囉囉攣。依種感覺好難受。  依種感覺係愛？





  有一日,我見到佢Story「Ask me a question？」背景係一張佢嘅自拍，佢笑得好甜，眯起兩隻眼，我對幅相真係毫無抵抗力。試問邊個男人會討厭依個咁可愛嘅女仔。

  我望住佢個story唔知點解上咗癮，我呆坐咗係我自己房，望住佢嘅story好似乜都做唔到，依一刻我唔淨止想做佢其中一個follower，我想......我想更進一步......我冇諗佢會點諗我，我冒住比人覺得係痴漢嘅可能放手去問佢。

  我攞起我部電話，我喺佢story問「你中意咩類型嘅男仔？」

  我唔知自己痴咗邊條線，我膽粗粗咁send咗出去。我想知答案，我想知我係唔係佢嘅理想型，我...我想.......  嗰晚，我攤喺我張床上面，我訓唔著。我驚，我驚佢會唔覆我，我驚佢會唔知點諗我，我驚佢會唔中意我。我望住天花板，腦海中出現咗佢個樣，佢就好似天使對我微笑一樣，好溫柔，好溫柔。我就諗住佢個樣，慢慢進入咗夢鄉。

  第日，我起身第一件事就係睇佢個story，
 

 「睇feel。」只見我問佢嘅問題上，有咁嘅回覆。  

我好無奈，個個都話睇feel，唔通個個都話自己係睇樣架咩，我唔排除佢真係睇feel，咁乜嘢係feel...  

再撳下一個story，

 「單身嗎？」​ 見到佢有人問。

 「Yep，有無人想做我男朋友，haha。」嘅然佢都想搵個男朋友，點解我就唔可以努力啲追佢返嚟，佢咁嘅回覆，又重新振作令我覺得要將依個女仔追返嚟。

  幾日後，佢story出現咗我最唔想出現嘅畫面，居然有條友約咗我女神出街！嗰下我好似比人好大力咁係我塊面度打咗一下。雖然就咁睇個story 唔知個男仔係邊個，不過手帶住隻G－shock 限量版嗰男仔一定好有錢。 

  嗰晚我dm佢，
「今日去咗邊呀？」
「無呀，今日同個friend出咗街周圍行吓囉。」佢隔咗一陣之後覆我。




「哦。」
「得閒吹下水嗎？我哋好似好耐無一齊傾偈。」我尷尬咁問。
「都可以嘅。」
「你做緊咩呀？」
「攤喺張床上面，碌IG。」
「你有冇睇排球少年新一季？」我求其開Topic。
「緊係有啦，我作為粉絲緊係睇咗啦。」
「你今個星期六得閒嗎？」我見到已經有人約佢出去,自己個心覺得人有,我又要有。 
「咁突然,都OK既...」 
「Yes!」我情不自禁叫咗出嚟。  
  我房門被人推開咗,  「冇嘢吓話,夜晚十二點喺到叫？」見到細佬兇狠嘅眼神衝咗入嚟。
「Sor...sor…」我緩緩地閂門。  
「咁喺邊度等？」我即刻囉起部電話問佢。  
「你住邊？」  佢覆。
「你住邊,我就你啦。」依啲時候梗係要咁做。  

「將軍澳。」 
「我哋都好近啫,星期六見。」
「哦。」   我人生從來未事過咁興奮,真係想快啲到星期六呀。

  就係咁，話咁快就到咗星期六.......