[重口味]黑貓館: 第四十七回 黃金歲月

第四十七回 黃金歲月

(多年前)

[少霞,重企係到發呆做乜?快D搵生果盤去貴賓室啦.]
經理大叫一聲,少霞即刻戰戰兢兢咁攞住盤生果行過去,
走廊上面人來人往,大多數都係衣著性感嘅後生女,
有D就係萫得好普通好老土但係講野粗聲粗氣嘅男人.

少霞無時間理會其他人,佢只知貴賓室入面D人唔得罪得.


攞住個果盤左閃右避先去到門口,未入去已經聽到好大聲音樂聲.

一打開門成間房間黑麻麻得少量燈光.只係靠住電視機嘅光線先睇到路,
見到有三個男人大爺咁坐係梳化上面,每個人身邊都有最少有二個靚女坐側邊,
一邊飲酒一邊唱卡啦OK左擁右抱玩得好開心.

見到其中一個男人攞住支咪,佢好大聲咁用潮州話係到唱愛拼才會贏,
唱到走晒音鬼死咁難聽.

當少霞行埋茶機放底果盤時,


佢先發現有個全裸嘅女人跪係地下幫呢個男人含緊,
一邊比人含住一邊唱歌唔怪得之唱到走音.

雖然都唔係第一次睇呢D場面,不過每次見到都覺得好尷尬.
少霞講咗句:[各位老細請慢用.]

基本上無人理會佢嘅存在,佢雞咁腳行返出房.每日都要面對呢D人,
少霞覺得呢個係一個畸形嘅男尊女卑世界.

八零年代尾開始工業北移,到咗九零年代可能話係黃金時期.


好多香港人返去大陸開廠,越多人嘅地方色情事業就越發達,
D卡啦OK呀,髮廊,酒吧,會所真係雨後春筍一樣開滿地.
當年香港人係大陸真係要風得風要雨得雨.可惜去到現在香港人已經風光不再.

經理係走廊叫住:[少霞!!]

少霞即刻停底腳步問:[咩事呀?]
經理細細聲係耳邊同佢講:[剛才有無同張老闆打聲招呼呀?]

[亞爸呀,我都話無興趣識呢D人囉.]

[都話係呢到唔好叫我做亞爸囉,叫經理.]
少霞無出聲.

經理又再問:[佢有無望見妳或者留意到妳呀?]



[亞...經理呀,我點知啫.]

就係呢個時候,貴賓室門打門,張世雄腳步浮浮滿身酒氣咁行出呢.

經理即刻沖上前:[張老闆去邊呀?有乜事叫我地做咪得囉.]

世雄話:[我去廁所你幫唔幫到?]

經理即刻無聲出,不過佢都重未想放棄一路跟住世雄入廁所,
繼續話:[我之前同張生提過呢,我有個女好叻架,睇下你公司有無D乜野工作啱佢.]

世雄企係尿兜前面無理會佢,
不過有個男人望住自己屙尿周身唔自在於是話:[我連你個女乜樣都未見過呀.]



[你想見佢呀,好易啫,你等一等.]講完即刻沖咗出去廁所.

世雄見佢走咗終於可以屙尿,點知屙屙下聽到開門聲同埋一把女人聲.
[亞爸....你唔好痴線啦.....]
經理一手拉咗少霞入男廁.

原本有個男人望住已經屙唔到,現在呢多個女人望坐住自己屙.
兩男一女企係廁所無出聲,只係聽到屙尿落取兜發出嘅水聲.
呢一篤尿好似屙極都屙唔完咁.

世雄只好嗱嗱淋屙完,佢真係驚經理會走過呢幫手拉拉鍊.
佢行過去洗手.經理即刻示意少霞攞抹手布過去.
少霞尷尷尬尬咁:[張老闆抹手.]

世雄洗完手接過毛巾,佢望住少霞再望一望經理話:[呢個就係你個女呀?]



經理烚熟狗頭咁話:[係呀張老闆.]

世雄由上至下打量少霞,少霞怕怕羞羞咁,覺得呢個女仔幾有氣質,同平日玩開嗰D好唔同.

世雄對住經理話:[好彩佢一D都唔似你.]

[係...係呀,佢似死鬼亞媽.]

[你點睇都唔似咁有福氣有個靚老婆喎.]

經理比世雄疾到唔識出聲.世雄望住少霞問:[妳叫乜名?]

[李少霞.]



[嗯,妳乜學歷?]

[中學畢業.]
世雄又再望一望經理:[估唔到你會比個女讀書無要佢出呢做呀.]

經理尷尬都唔夠膽出聲.
世雄同少霞講:[聽日去我公司搵人事部.]
講完世雄就準備出返去.

兩父女聽到當然好開心啦.經理一邊走去開門一邊示意個女,
兩父女一齊大叫:[多謝張老闆.]

世雄無再理會佢地入返房繼續風流快活.

就係咁少霞入咗張氏集團做野,
世雄重安排佢做私人助理,
啫係平日幫老細買下煙仔訂下檯食飯跟出跟入嘅跟班.

少霞滿心歡喜以為從此唔洗再出入風月場所,點知剛好相反日日去唔同嘅卡啦OK,
幾乎去勻晒成個東莞夜場.

世雄喜歡去邊間玩飲開邊隻酒搵開邊位小姐一晚做幾多次用幾多個套佢全部都一清二楚.
除咗上房之外所有大小場合少霞都在場,日日睇住班禽獸聲色犬馬吃喝玩樂,
完全唔似一個生意人.

少霞覺得呢個世界好唔公平,工廠工人一個月人工先得嗰一千幾百,
佢地攞呢當水飲嗰支酒已經係人地成年人工.打一場麻雀幾百萬上落,
一箱箱紙皮箱裝住嘅錢攞去賭.

當年嘅東莞就係一個咁樣嘅地方,
朱門酒肉臭路有凍死骨.

未完待續