[重口味]黑貓館: 第四十八回 尊嚴
第四十八回 尊嚴
今日少霞如常返工,坐係老細房門口秘書側邊.
不過公司氣氛好奇怪,世雄成朝無出過間房連中午都係房食,
所有人都好緊張如臨大敵咁.
返咗工咁耐第一次見到呢D情況,少霞捉住平日幾好傾嘅秘書問:[今日做乜事呀?]
[妳唔知呀?老闆娘嚟呀.]
[老闆娘?乜老細結咗婚架?]
[唔係呀,妳跟佢咁都耐都唔知.]
少霞搖搖頭,一向唔理人家事,世雄更加唔會係佢面前提起自己老婆.
[咁都唔洗緊張成咁架.]
[妳小係公司唔清楚,老闆娘先係呢到真正話事人,無佢無老細,所以佢先係全公司最惡嗰個.]
少霞以為世雄已經難服侍,點知原來重有一個皇太后係到.
呢頭講嗰頭就到,有一班人係行緊過呢.
行最前嗰位係一個有返咁上下重量嘅肥婆,佢身後有一班同佢差唔多身形嘅師奶兵團.
見到佢嘅同事都九十度鞠躬大聲講:[總裁早晨.]
果然好有霸氣同排場.
秘書細細聲係少霞耳邊講:[呢個肥婆就係公司總裁雷悅明.]
當去到老細房門時秘書同少霞都企起身叫:[總裁早晨.]
基本上悅明望都無望佢地一眼就推開門房門,成班人殺氣騰騰好似尋仇一樣沖入去.
之後房入面只係聽到悅明不停鬧.
少霞問:[會唔會有事架?洗唔洗搵定公安?]
秘書話:[公安都忌佢三分呀,放心啦無事嘅.]
果然不出所料,吵鬧聲越呢越細.
突然世雄係房入面叫:[少霞入呢.]
少霞個心離一離戰戰兢兢咁開門入去,見到幾個女人好似老虎乸圍住隻肥羊準備撕開佢一樣.
[老闆乜野事呀?]
[妳去沖壺人參烏龍茶入呢,順便去訂貴賓廳食飯.]
少霞應咗一聲:[哦.]
之後就出返去.
第一次見世雄死狗咁樣少霞忍唔住偷笑,不過佢老婆雷悅明都唔係善男信女,嗱嗱淋沖茶費事比人鬧.
攞住壺熱茶入去,見到有一個男人企係入面,少霞認得呢個男人係會計部經理.
世雄同佢講:[執埋D野即刻走.]
個男人頭耷耷行出去,少霞當然唔夠膽過問啦,
佢放底茶世雄就講:[嗱, 人就炒咗,唔洗惱氣啦,飲杯人參烏龍下吓火先啦.]
少霞即刻幫悅明斟茶.悅明第一次望住少霞,目光絕對唔友善.
佢話:[幾時又請過新秘書呀?]
[早排啦...D鄉里個女.]
[鄉里個女?你有乜鄉里我未見過?唔係打算攞呢做少小三呀.]
[老婆,唔好咁講啦,妳唔信可以問下其他同事.]
悅明同世雄講:[比個天你做膽都唔夠膽呀.]
但係同時啤住少霞好明顯係話緊佢.
側邊幾個肥婆係到偷笑,睇見佢地個反應世雄已經面燶燶,
成班人完全唔比面自己條氣chok到上心口.
[大家都肚餓啦,去食野先,少霞,叫廠長開幾部車過呢.]
[哦..]咁環境少霞當然係即刻出去啦.
平日世雄食飯少霞都會坐埋一齊食,
一來好似工人咁服侍佢,二來幫佢交收禮物,
係上面做生意有一半飯局都係要同人打交道,
送禮呢D指定動作走唔甩,輕則金器名錶古董重則成條車匙門匙.
但係今晚餐飯少霞唔夠膽坐埋檯,全程只係企係後到斟茶遞水.
世雄呢餐飯食得好辛苦,除咗要睇老婆面色外,
重要聽班八婆講埋D有骨說話.乜野拖鞋皇,軟飯男,
正所謂崩口人忌崩口碗,成公司D人都知佢係靠外家起家.
對住外家D人除咗忍乜都做唔到,係咁不停飲悶酒,
飲下飲下成支茅台隊晒,結果飯未食完已經貓咗.
悅明完全無理會佢老公,只係對住少覆講:[妳同司機送佢返屋企,我今晚返香港呀.]
講完就起身同班師奶兵團走咗.
好在司機係到如果唔係要少霞一個都唔知點抬佢返屋企.
係車上世雄醉到成個人瞓係少霞大髀上面,
返屋企條路好難行下凹凸不平,搖多兩搖世雄就嘔到少霞一褲都係.
成架車都係嗰陣酸臭味,司機同少霞即刻打開窗.
終於挨到世雄屋企,一楝三層高住宅前門有個花園,
周圍都係差唔多嘅屋,而且都有d距離好有私隱度,一睇就知係豪宅區.
司機同少霞一人一邊抬住佢上樓,真係攪到身水身汗先上到三樓嘅睡房.
間房好大無乜花巧野簡簡單單一張大床,好似無用過咁,
鬼咩平日都係去酒店爆房,甚少番屋企瞓.
少霞話:[放佢上床先.]
點知世雄一瞓底又要嘔過,重要攪都一地都係,成間房又係嗰陣臭味.
司機話:[我去洗一洗架車先.]
[唔該晒,你清潔完走先啦,我都唔知要攪幾耐.]
司機望一望地下個爛灘子,遮住個鼻講:[嗯,咁我走先.]
講完佢就落樓.
少霞想走都唔得,要幫世雄換咗D污糟衫又要清潔.
佢走去衣櫃攞咗套睡衣過呢幫世雄換衫,之後攞住套污糟衫去樓下洗衣房.
自己條褲都好污糟成間屋都無人世雄又瞓咗,
於是除埋自己套衫褲一齊放落洗衣機洗.
只係著住底褲同bra上返房間繼續清潔埋地下D手尾.
攪咗一大輪終於整乾淨晒.
不過聞到自己個身一陣臭味,少霞望一望床上面世雄瞓到死咗咁,
反正都係少霞索性入廁所沖埋涼.
辛苦成晚連一粒米都未落過肚已經餓到手軟腳軟.
沖返一個熱水涼成個人精神反晒,花灑係頭頂射落呢特別舒服,
少霞合埋眼享受緊呢一刻.
突然一隻手從後扯住佢頭髮,重將佢成個人拉離企缸.
少霞大叫:[呀~~~~好痛呀!!]
未完待續