地下階層 (前名: 核。港): 序。逃亡

序《逃亡》

「聽講近日異物嘅動態好奇怪，居然學識群體合作，並且主動攻擊車站…」
一名在站崗的士兵跟他的同伴討論：「彩虹站近期一直都遭受到異物騷擾，而且一直都有來自中環嘅軍車來返彩虹站，唔知發生咩事呢？」 

的確，近日中環站喺每條線嘅邊境位置都調配咗唔少士兵，而且亦都發放一啲標準嘅武器。
彩虹站作為觀塘線最後防線，被調派重兵都好正常。但近日中環站甚至連鑽石山站都開始派兵防守，設置第二防線嘅時候…

感覺真係會有大事發生…





「應該不會有事嘅…」但另一名士兵吸一口煙，嘗試說服自己:
「嗰啲異物已經有好多年沒有騷擾我們，就算有異物出現，也都只係零丁一兩隻。對上一次「異物潮」已經過了十多年了。」

士兵吐出煙圈，回憶起十幾年前嘅畫面，嗰年他先啱啱20歲。
煙圈聚又散，喺飄散嘅煙霧中，煙霧彷彿幻化當時殘酷嘅戰爭畫面，歷歷在目。

戰爭往往都係殘酷，但戰爭過後就會迎來一陣嘅安寧。
雖然身處喺和平嘅時代，但係今日，呢位士兵有一種不祥預感…

「呼...呼咕…」





隧道裡面經常傳黎奇怪嘅聲音，有人解釋係風聲，亦都有人認為係隧道牆壁被觸碰後所產生嘅震動聲，亦有傳聞指呢啲係隧道中嘅幽靈哀鳴。

但真實係咩…又點會有人知…

「吱!」
突然其來嘅叫聲打破寧靜，引起兩位站岡士兵嘅注意。

「咩黎㗎!」呢句說話引起咗其他士兵嘅注意。





士兵攞起把槍瞄準著遠處嘅身影，相信呢個身影嘅主人就係聲音嘅來源，而且佢仲一步一步咁接近鑽石山地鐵站嘅關口大閘。

當身影走到射燈下，真身亦即出現。
原來只係-一隻地鼠…

「原來只係一隻地鼠，睇嘢啦!」

「吱!」 「砰!」

「哈哈! 知我厲害未! 睇我槍法幾...屌那星...」
正當士兵打算自誇嘅時候，佢同佢嘅同伴都注意到前方地面上嘅一樣嘢。

一個載有軍帽嘅人頭！！！

「快啲撳警報！」




--------------

「叮……叮……叮……」
警報鐘聲響起，紅色警告燈亮起，彷彿提醒著危險來臨…… 
「快啲！快啲！掩護婦孺離開！」一名身穿軍服嘅士兵指揮著大眾的行動。

「我個仔同我走失咗呀！你有冇見過佢呀！明仔！明仔！」
「行快啲啦！」
「媽媽我好驚呀！」

擠逼嘅人群爭先恐後地爭取上車嘅機會，逃離呢一個地獄。

「第二小隊快啲上前線補位，千祈唔好俾異物衝破閘口位！」地洞傳來不間斷的槍聲，士兵用血汗堅守防線，為嘅只係身後百姓嘅安全。

「點解中環嘅隊伍未嚟幫手？」「聯絡訊號好似比某啲嘢中斷！！」「頂住呀！」





當時我得五歲，母親的背着我，跟著人群跑去月台，乘搭求生車到下一個車站…

「小姐，呢一輪嘅求生車只剩下一個位，你哋兩個上唔到㗎啦，都係等……」「呀！！！」
「轟！」

維持秩序的士兵跟我的母親交談，卻被突如其來的尖叫聲以及爆破聲嚇停。士兵立即舉起步槍，指向聲音來源的方向。

細細個嘅我唔知驚，抬頭望去尖叫聲嘅方向。嘅嘅記憶好模糊，只記得在遠處有一個人影，好似喺遠處望住我。

「梁太，不如畀恆仔先啦！」車內傳來一把熟悉的聲音，聲音的主人正是我父親的老友一一達叔 
「多謝你呀！達叔！麻煩你啦！」我母親立刻道謝，便望向士兵「我求下你畀我個仔走先啦！我淨係得佢一粒仔，求吓你哋啦！」我的母親情緒越嚟越激動，差啲就跪低咁樣求士兵。

「太太，你唔好咁呀！我哋都好難做！」
「俾佢上車啦。」只見達叔手攞住一個狗牌，士兵嘅面色即刻改變，先係驚訝，然後係尊敬。




經過一番波折，我就被士兵抓上車。我不解地望著母親，見到母親的眼神充滿恐懼，但係佢卻強顏歡笑地對我講：
「恆恆乖，聽媽媽講，你走先，去到黃大仙後記得聽達叔叔話呀。」
「媽媽點解唔跟我走？」我望著母親，只見她依依不捨咁望住我
「媽媽好快就會黎，恆恆走先…」母親看著我
「恆恆長大啦，要生性呀！如果掛住媽媽，就睇呢張相，你就知道爸爸媽媽會一直陪著你。」母親也不住流下眼淚
「恆恆，爸爸媽媽愛你！」
「隆……隆……隆隆……」求生車已經開出。
眼見母親的身影越嚟越細，我只希望可以快點再見到母親。但當時我太年輕，卻不意識到這將會是我最後一次見到我的母親……而我也只可以在夢境中拾回母親的身影及聲音……