【愛情/奇幻】《只能用餘光看見你》第一部:陰陽眼的餘光. 某天在學校玩碟仙，結果戀上了女鬼…: 35
凱婷穿著殘破的白色襯衫，外面罩着一件外套，搭配短牛仔褲，穿着拖鞋走在大街上。她來到一家補習社附近，遠遠地看見剛進補習社的李彤。想要叫停她卻欲言又止，於是站在旁邊等候。
李彤坐在補習班教室的前排，專注地做着筆記。不知不覺數小時過去了。當她準備回家踏出門的一剎那，一陣風吹過，這晚顯得異常寒冷。
一聲呼喊，李彤聞聲望去，發現凱婷在路邊欄桿處雙手插袋，似乎在等候著自己。
「點解你會喺度嘅?」李彤有些意想不到地問道，她的眉頭微微皺起，眼神中透露著一絲疑惑。
「彤彤，聽日都係唔好送嗰份禮物。」凱婷低下頭說，聲音微顫，手指輕輕捏著衣角。
「我哋一齊畀咗咁多心機，你唔係驚呀嘛? 凱婷你應承過我，要鼓起勇氣同佢講。」李彤的語氣中帶著一絲失望，想要走近一步追問。
「但係……不如由你交畀佢。」凱婷支吾著，身子微微後退。
「你究竟講緊乜嘢? 告白點可以借他人之手?」 李彤有些不悅的問道
「但係佢根本鍾意嗰個係你。」凱婷眼眸中透露著一絲無奈。
「到而家你仲係講啲咁嘅嘢?」李彤不耐煩地說著，她一抬手拿出手機，手指快速地在屏幕上敲擊。「你鍾意咁嘅話，好呀。」
說罷電話駁通到余程天那邊「余程天，有啲好重要嘅嘢同你講，即刻過嚟，帶埋嗰啲嘢過嚟，地址send畀你。」
凱婷卻伸手阻止，猶豫一番，縮回雙手。
李彤叉起雙手，不到一會兒電話震動，傳來信息的是劉世檜。
「佢同我講你突然約佢出嚟，唔係聽日先行動咩?」劉世檜在訊息問道
「啱啦，你都過嚟。」李彤回覆著
地理關係，劉世檜率先趕來，一來到便看見她氣噗噗的樣子，他從沒看過李彤像如今這樣充滿脾氣。
「究竟做乜嘢?」劉世檜氣喘咻咻問著
李彤依舊叉著腰「你自己問下凱婷啦。」劉世檜循著她的視線看向凱婷的方向。
凱婷一言不發站在原地，雙眼不敢看著劉世檜，只是緊緊盯著地下。
劉世檜沉默數秒後，對著李彤說「都係由你解釋下啦… 」
某個工廠區的酒吧內，幾個人手忙腳亂清理著房間。
其中一人焦躁地說著 「佳少而家點呀?」
「咩點? 有嘢發生咩? 記住乜嘢都冇發生。」佳少粗暴地捉著他的頭髮
被捉著頭髮的人，餘光瞄了一眼旁邊的地下的數支針筒，佳少拍一拍他的肩膊「放心冇事，冷靜。」
「係，冷靜冷靜」那人顫抖地說著
佳少吸了一口煙，抹一抹頭上的冷汗，環顧四周後再耐心叮囑著他「而家你哋抹乾淨啲，攞埋個喼過嚟。」
片刻後，那人再次回來 「搞…搞掂曬啦，佳少。」
佳少此刻帶著藍色膠手套，關上行李喼，拉鍊被數紮頭髮卡著，佳少靠著蠻力弄斷幾條髮絲。
「屌那星，個喼咁撚細!」佳少一腳踢向行李喼。
片刻後，佳少走進廁所清洗手上的污漬，出來後把一袋黑色垃圾袋交給他的馬仔。
「跟我去海邊。」
其中一個人顫顫抖抖問著 「可唔可以唔去…?」
佳少瞪大了雙眼，沖到他的面前，拉起他的衣袖「佢身上都有你啲嘢喺度㗎，走?」
「一日最衰都係嗰條八婆，佢唔走咪咩事都冇囉。」
「打撚死都走，唔係咁…屌。」 佳少用力跺腳不斷踩說地上的針筒。
「呢袋你自己掉走，其他人跟我嚟。」
「其他女點呀?」其中一個人看著在梳化不醒人事的女生們。
「由佢哋喺度啦，點都要拎出去燒咗先完再掉，如果唔係我哋死撚硬，你知唔撚知呀!?」佳少再三叮囑之後拿著異常沉重的行李喼，慌張的在工廈後巷四處張望。
「Hi，我哋又見面啦。」藝術家肥大叔不知從何處走了出來。
「又係你死肥佬，而家唔得閒同你玩，同我死撚開!」佳少瞄了一眼自己的行李喼。
遠處有兩人的對話聲 「嗰個肥佬又走咗去邊度?」
藝術家大叔倚靠著牆邊，休閒地在外牆塗鴉。
餘情未了伴天長，前海浪涌難停殤。
愛意永存深淺間，曲終人散心仍忙。
-馗詩人
「你就夠鐘喇，好好享受，…」大叔嘴角露出笑容
一陣強風吹來，風沙吹進佳少的眼內，下意識鬆手的一刻，行李喼應聲倒下。
「萬般帶不走~只有業隨身... 萬惡淫為首~日後有排受呀~」肥大叔休閒的靠著牆上。
遠處的兩名警員走近，彷彿看不見他，經過小巷時，看著一群人圍著一個行李喼，瞬間意識到一絲不妥「你哋喺度做乜嘢?」
原本已經慌張的眾人果斷轉身跑開，佳少此刻仍由不得身邊的行李箱，果斷放棄跟著逃跑。
「你話點喇，劉世檜。」李彤沒好氣地說著
聽完李彤解釋後，劉世檜緩緩說出「我都係會支持…凱婷嘅決定。」
「吓??你知唔知自己講緊咩? 」李彤正想多說一句，余程天到來了。
「咁急搵我嚟咩事?」
看著低下頭的兩人，李彤心中吸一口氣，轉身對著余程天說「其實係，凱婷有嘢想同你講。」
余程天似乎怔了一怔「唔…」
李彤看了一眼旁邊的凱婷，只見她咬緊牙關對著自己搖一搖頭。
余程天接著說「所以佢……喺邊?」
李彤瞬間說不出話來，下意識看著另一邊的劉世檜，他沉默在一旁，像是認證了她的想法，一輛警車此時駛過，紅藍光分別映照在余程天和凱婷身上。
李彤彷彿意識到什麼，走到一旁，伸手一捉，撲空了。
「我始終都唔知點開口…」凱婷苦笑著說
「…李彤?」余程天困惑地說著
她也低下頭了，眼角不自覺流下一滴淚，未等余程天問出疑問，他自己便收到一個電話。
「你好，請問係唔係余程天先生?」