【愛情/奇幻】《只能用餘光看見你》第一部:陰陽眼的餘光. 某天在學校玩碟仙，結果戀上了女鬼…: 40
我嘗試睜開眼，但依舊眼前一黑……這種感覺很奇怪，就像發著清醒夢一樣。
在黑暗的盡頭隱約聽到一些對話以及有節奏的機器聲，我全身彷彿散發著消毒藥水的氣味。
我死了嗎?
「未死，不過就快㗎喇。」
邊個?
回頭一看，穿著醫生袍的人緩緩向我走來「……你係之前嗰個醫生?」 我困惑的說
「你知唔知麻醉藥物注射過量會點?」他自說自話，一瞬間我眼前變得刺眼，再次睜開眼之後，彷彿看見我自己在手術台上，而我正在幫我自己做手術……
「易醫生，患者狀態好似有啲唔穩定……」一旁的護士說著，各種監測器持續發出蜂鳴聲
「你同佢最近過得好嗎? 好耐冇試過咁樣同你傾計。」腦海裏的他繼續說著
我心中越來越不安「你講緊乜嘢? 佢? 鍾隨心?你識得佢!?」
「而家你都係關心下你自己好啲。」 易醫生淡定一笑
一旁的護士緊張的說「患者血壓已經降到零！」
「你究竟係邊個? 你想點呀?」
「……我想你死!」他說出這幾個字後蜂鳴聲一直在我腦海中迴響。
視線瞬間變回漆黑一片「死亡時間確認……劉世檜……」
李彤參加完凱婷的喪禮便匆匆趕來，醫院走廊外，余程天被兩個警察圍著，牧師站在旁邊鼻樑上貼了一塊膠布。
「而家牧師正式告你個朋友傷人……所以……」警察簡單解釋著目前的狀況給李彤，他們便在手術室前等候著劉世檜。
「佢而家重傷喎，打成佢咁佢唔使負責任㗎?」李彤看著坐在旁邊的佳少。
「一單還一單，牧師報案先我要處理咗佢先。」警察理直氣壯的說著
余程天輕蔑的笑了一聲，手術室的燈此時熄滅了，易醫生掠過眾人離開，只見後護士一臉黯然。
「唔好意思，盡咗力。」聞言後，眾人互相對視一眼。
佳少此刻睜大雙眼「毆咗佢幾嘢咋喎!? 咁就瓜咗? 有冇呀!?」
警察互相說著悄悄話，隨後其中一人點一點頭似乎決定了什麼，隨即為佳少戴上手銬「唔好意思，今次幫你唔到，而家你涉嫌誤殺需要帶你返去接受調查。」
余程天只是坐在旁邊的椅子垂下頭，這幾天對他來說已經過於荒謬，他只能刻意不悲傷。「呢幾日究竟做乜嘢??」
「鍾隨心，你去咗邊? 快啲返嚟啦。帶返佢返嚟!」李彤在他身旁坐下……從背包拿起一直當作護身符攜帶的通靈紙，雙手虔誠的祈求著。
伴隨著外邊下雨打雷的聲響，醫院天台處，易醫生站在邊緣欄桿看著昏暗的天空，手中不斷玩弄著打火機，大風加雨水的緣故，怎樣也擦不出火花。
「話說你一直講咁多嘢畀我聽，唔係話天機不可洩漏咩?」易醫生回頭看著雙手插袋的毛月永
「你都算係死結嘅一環，算係灰色地帶……總而言之我要做嘅嘢就做完。」
易醫生輕輕一笑「所以你嚟接我投胎?」
「唔係，你哋情況有啲特殊，我只係有啲好奇你想點。」
易醫生低下頭苦笑一聲「我只係想畀佢感受下一樣嘅感受，反正好快會查到我醫療失誤，倒不如……」
「當初分靈藥副作用你捱到落嚟都算係咁，唔係每個人都接受到。」毛月永看一看手錶接著說「當佢覺得自己死咗就真係死咗，時候差唔多，我要喺之前做埋最後嘅手尾。」 毛月永雙手顯現出一個綠色燈籠。
醫院地下層，佳少有些焦躁地說著 「牧師，要幫我呀!!」
「放心，我會再諗下辦法。」 牧師在一旁安慰他
醫院大門推進來一位孕婦，與他們擦肩而過。
「啊玉!? 係啦牧師，我仲有個就嚟出世嘅仔……我唔可以入去坐㗎! 同我老豆講叫佢一定要幫我!」佳少攔停下旁邊的護士。
護士喝斥著他，孕婦冒著大汗擺擺手，在床邊看見他手上的手銬，苦笑了一聲。
「冇見咁耐，你仲係咁仆街……放心我會遵守你嘅承諾。」孕婦說著
啊玉吃力地說著「BB唔會跟你姓，但係會用你改嘅名，除此以外佢同你一啲關係都冇!順帶一提佢係女嚟㗎。」
警察壓著他走到大門外……
與此同時易醫生站上天台邊緣……
「我會慢慢等你……鍾婉恩……」說罷他便毫無顧慮地跳下去。
一聲巨響後，押送他們的警察呆站在原地，不可置信的看著眼前一幕，原本在前方的兩人，瞬間變成肉醬，從高處墮下的人，正中牧師與佳少，路過的醫護紛紛圍了過來……
這間醫院內最頂尖的醫生剛好就在他們身邊，幸好醫生來得及時，三人當場死亡。
牧師與佳少在一旁震驚的看著自己屍體「發生咩事……我……」
常日羲在一旁以鬼差的身份出現在他們身邊宣讀著的死亡。
「有咩可能……我信耶穌㗎。」 牧師一臉驚慌失措的說著
常日羲冷眼看向他「你信乜嘢，就會見到乜嘢……既然你而家見到我係鬼差嘅話，即係代表，你都唔係好虔誠啫。」
佳少依然不以為然「作為鬼你都幾靚女喎。」
常日羲雙眼發著幽暗綠光，正想教訓他多嘴多舌，身後忽然一個大叔搭著他膊頭。
佳少回頭一看大驚失色「點解又係你㗎!?死肥佬。」
那個藝術家大叔沒有理會他的說話，向著常日羲打招呼「我等咗呢一刻好耐㗎喇，地獄需要招呼你呢啲人渣，呢度等我嚟啦。」
「呢個係我嘅職責。」 常日羲淡淡回應
「職咩責呀，用凡人之身投咗胎嘅你哋……最多咪係part time。」 聽見他的說話，常日羲不禁試探性一問「你一直留喺凡間……應該唔係淨係休息咁簡單吖嘛? 有咩要鬼王親自落嚟?」
「而家只不過係放長啲假期……順便處理下啲雞毛蒜皮事啫。」藝術家大叔悠然自得說
常日羲依然一臉充滿懷疑，佳少此刻嘲諷道「鬼王?就憑你呢個死肥……」
還未等他說完，一把長鉤便刺穿了他的下巴與舌頭，藝術家大叔靠在他耳邊臉色突變說道「之前講過，地獄慢慢有排你受。」
此刻的他瞳孔逐漸放大，一股強大的力量牽引著他，使他無法抵擋。
眼前的景象開始變得扭曲和扭動，地獄的恐怖幻象湧上他的眼前……
「對唔住，放過我。」佳少口齒不清的呢喃。
然而，大叔只是毫不動容站在原地，冷漠看著。
…………
……
在此刻的天后廟中，不斷有一把聲音呼喊著「天后娘娘，林姑娘! 我有件好緊急嘅事要你幫手! 唔該你出嚟見一見我!!」
意外總是來得突然，凡人只能接受命運。
可是我不甘心就這樣不明不白的死去。
我不能就這樣死去，至少在之前再見她一面!
醫院相比之前更加寂靜，周遭一切仿似幻象，活人如今對我而言只是默劇表演，周遭一切都鴉雀無聲，除了走廊處那晃動的鐵鏈聲響。
不能被他捉住，我朝著遠方不斷逃跑，詭異的綠光逐漸逼近……
「如果你覺得跑得快有用嘅，保特就唔會死啦。」毛月永沒有刻意追趕，只是停留在原地。
「劉世檜，劉世檜，劉世檜，速速前來!」毛月永低聲說道
一瞬間我又跑回到他的眼前……這一刻我才看清了他的臉「酒吧老闆!?」
「我係負責捉拿你嘅鬼差，劉世檜你時間到……走唔甩。」他一臉認真的說著
「點解要捉我? 就係因為我壽命已盡?我係畀人害㗎喎!」在他面前我不自覺的顫抖。
「唔係，係因為你根本唔應該存在喺呢個世界上。」
「咁點解而家……先搵我?」我問著
「冇必要同你講，但係你真係想知嘅……」 毛月永輕輕舉起燈籠，瞬間周遭籠罩著一股綠光。
「自己行過嚟睇。」
「你當我傻㗎?」我苦笑一聲
「你想揀魂飛魄散，我冇所謂，但係你真係唔想知咩? 同埋你覺得佢……去咗邊?」 毛月永露出不懷好意的微笑。
在一縷綠煙當中，一道道影像湧入我的腦海，一個酷似鍾隨心的人倒在雪地中，心口泛著鮮紅的血液，血液延著身體流淌在雪地上。
那個畫面，與我之前的幻覺如出一轍，難道……
這樣想的我踏前了一步，每靠近一步更多的影像便在我眼中浮現。
「唔可以再行前……」 我心底彷彿有個聲音告誡著我
可是他就像聽見我的心聲一樣 「你要掉低佢?」
「鍾隨心……」
「唔可以驚，我要入去搵佢。」我與燈籠的距離近在咫尺，站在原地的我讓鎖鏈緩慢纏上我全身。
一瞬間我彷彿進入了深不見底的虛空當中。
「無論輪迴幾多轉，人都係會有遺憾。」毛月永的身影這刻與我記憶某人重疊。
「無論輪迴幾多轉，人都係會有遺憾。」他也曾對我說過這樣的話……那是誰……
詭異的綠光映照我全身，瞬間視線變得漆黑，我被吸進了燈籠內，這裏彷彿藏著另外一個世界……
在醫院長凳，李彤依然在念念有詞呼喚著鍾隨心。
密實的走廊中，一陣微微冷風吹來，李彤睜開眼睛，鍾隨心隨風而至出現在她的眼前。
「劉……」還未等她開口，鍾隨心便搶先發話「我知道……」隨後便匆匆跑到走廊的盡頭。
此刻的鍾隨心透露出疲憊的，心裏暗暗自道「劉世檜，唔好信佢講嘢，唔好入去燈籠……」