阿狗再襲: XIII

啱啱英文堂，我同阿瑩都賴咗嘢。

至於賴咗啲乜？就係英文水平班。

乜嘢喺水平班？就係三科主科考得唔好嘅就會俾班仆街要求強制參加。美其名就係複習，衰啲講就係浪費時間。

仲要返八半，唉... 好彩唔係住元朗國。

不過有阿瑩，算啦，冇就難頂。





不過我要去嘅話，咪即係阿狗都要去？

holy shit！

........

今日終於要見真章。

最估唔到嘅係，英文好過我嘅阿恆都要嚟(雖然唔係好我幾多)。





一入到課室，我同阿恆都o晒嘴。

「阿阿阿阿... 阿兒？」阿恆崩潰。

「點解...」阿瑩...

「errrr… 」阿瑩未講完我就衝去廁所洗面。

「冇事嘅，幻覺嚟㗎啫。」我一路安慰自己。





當我再返入去嗰陣，我依然被眼前嘅景象所震驚。

唉...

我坐喺阿瑩隔離瞓覺。

........

「呀呀呀呀呀呀！」突然扎醒。

「瞓你嘅覺啦，阻住我打排位。」阿恆屌我。

「好嘈哦！閉嘴！」阿狗又煩住我。

「屌你，好啦喎！」阿恆一手鏈住阿狗條頸。





「溝女都算，你仲要明張目膽喺條仔面前溝？！你冇撚病下話？」阿恆嬲起上嚟真係唔係人咁品。

「不是...」

「bull乜撚嘢shit啫，家陣人哋唔想俾你溝呀。」阿狗冇反駁嘅餘地。

「對不起對不起。」阿狗即刻死咗過另一邊坐。

「屌，俾隻閪嘢搞到輸咗排位。」阿恆講。

「好勁呀！」阿兒讚阿恆。

之後我就恰眼瞓，唔記得發生咩了。