阿狗再襲: XIV

轉眼間就11月尾。

終於有測驗成績表。

「60... 67... 55...」我望住份表。

「我太難了。」阿狗又係垂頭喪氣。

「30，30，39...」有人大聲讀阿狗啲分數出嚟。





估唔到... 仲係咁低分。

都唔知佢當初點樣升上嚟。

「唔好讀人哋啲分出嚟。」字典伯講。

又係嘅，唔讀都知佢啲分唔好得去邊。

而家嘅阿狗就好似啲小強咁，生命力頑強，死唔去，留唔到班。





不過我估今年佢應該會留班。

「喂喂，乜佢啲成績真係咁差咩？」阿瑩問。

「都話我冇講大話㗎啦。」我講。

呢啲嘢全級都知㗎啦，使問嘅？

........





小息嗰陣，阿恆又過嚟。

「旺財成績如何呀？」佢問。

「咪又係3字頭，係history 25咋嘛。」我答。

「喂，請食飯呀喂！」阿恆好似賭贏咗某啲嘢。

「唉... 屌...」阿兒好似輸咗。

同時欣欣想入嚟課室，但係比阿A請走咗。

「我嘅欣欣呀...」阿狗喊。

男人老狗咁撚易喊，都唔知係咪男人嚟。





仲要喊足成日，真係好撚嘢。

當然俾我哋擺上IG恥笑，抵死，好心汲取教訓，下次醒目啲啦。

不過佢肯改先算。