【校園】【愛情】A0毒男的愛情史: 【可恨的99分】

煎熬地過咗中午堂之後再上兩個半鐘堂後，時間嚟到班主任節差唔多放學，不過仲要等癡線婆落嚟派測驗。

「咚咚咚」敲門聲。

「Paul sir麻煩曬借少少時間，我落嚟派翻今日佢地中文嘅測驗。」癡線婆說。

「哦好，唔阻你，你哋搞掂就自行解散喇。」Paul sir 對全班講完就閃走咗。

「我真係好失望，竟然有人唔合格，科長，出嚟派測驗。」癡線婆說。 真係頂你個肺啦，到底邊撚間學校有人會以100分做合格線架。



但我聽到有人唔合格呢五個字滿頭大汗，不斷回想起剛才測驗自己所寫的答案，我現時處於極度恐慌狀態。

隨著科長派嘅測驗一份一份減少，我真係被身邊兩位戲精朋友真係激死。

首先係Andy佢收到份測驗之後「唉，冇喇冇喇，弊傢伙。」佢看著份測驗說。

「你唔係溫好㗎咩，竟然會炒咗?」我問。

「唉，好灰冇眼睇，你自己睇。」他把測驗遞給我。



我接收份測驗後看了看分數，再望向Andy，他不斷忍笑著，這畜生120分滿分戲弄我。

「頂你個肺吖，滿分係度扮嘢玩我。」我憤怒地把測驗丟回給他。

然後到force，他收到份測驗之後，光速收拾好，平時的他測驗、考試每次都要拿出來炫耀一番，這次竟然如此反常，令我起疑心。

「做咩吖force，收收埋埋份測驗，拎出嚟睇啦。」我還天真地以為他不及格。

「唔要。」他說。肯定有鬼，我一定要睇到。



「拎份嘢嚟睇。」我伸手去佢櫃桶搶，佢竟然沒有反抗。

打開一看，(幹你娘雞掰)又係120分滿分，看見他們笑得合不攏嘴，我又被耍了。

「你班仆街吖。」我無話可說了。

「死傻仔，你幾時見過我哋默書唔係滿分。」force說。

好像也是，我真的一次都沒見過他們在默書中失手過，難道這就是學霸與凡人的差距嗎。

科長走到埋嚟，將份測驗交給我，我一看見自己分數已經感嘆萬分，同時也感到無能為力。

紅色原子筆的字體在右上角大大的寫著99分，這紅色的數字對我來說無與倫比是很震撼， 因為我已經感受到癡線婆即將帶來的腥風血雨。

「喂，幾分啊。」他們兩人同時伸頭看。



「哈，99分，你都係個人才，啲網路小說劇情會發生嘅永遠都喺你身上。」Andy對我說。

「得20分鐘溫我都唔想架。」我回應。

「唔合格嘅，一陣同我上圖書館補默，我要開會，等我開完會就重默。」癡線婆留下信息。

未完待續..................