【校園】【愛情】A0毒男的愛情史: 【放學補默】

全班差唔多走曬個陣，我仍然在清理課室，事原今日星期五我做值日生，他們兩人一早就跑去打波了，仲叫我快手啲默完落嚟打。

「唉，噩夢啊，黑色星期五吖，我好慘啊。」我在毫無一人的課室裡大吼大叫著做清潔。

10分鐘後，黑板清理好，檯凳搞掂埋，地板都掃好。

下樣嘢就係上圖書館補默，歎著氣行咗四層樓梯上到去。

「唉，點解會咁黑仔99分架。」我在心裡抱怨。



到達圖書館後，我被眼前的景象驚呆了，有一名文質彬彬的女生在溫習剛才考過的師說。

冇錯，佢就係我地偉大嘅女主角--汪芷晴Yuki

我走到她對面的座位坐下，圖書館的佈設是會議廳形式，一張長方形的大枱，密密麻麻的座位，很有一群人一起讀書的感覺。

「欸jimmy，你點會係度嘅。」她終於都注意到我了。

「唉，唔好提喇，我都係嚟補默架。」我微笑回應。



兩人目光對著，場面一度冷清下來。
「咁你差幾多分合格啊。」我選擇讓話題延續下去。

「我唔知今日要默書，溫到冇溫過，得70幾分咋，咁你呢。」她回應。

「我慘啲，今日中午小息努力溫咗20分鐘，竟然係呢個分數。」我無奈地從書包裡面把測驗遞給她過目。

「哈哈，99分 你好黑仔啊。」汪芷晴笑起來時真的很動人，臉上的小酒窩幫她原本精緻的五官再添加了一份美好。

「係囉，最衰...」正要說話的我被突如其來的聲音阻斷。



「喂，有咩好笑啊，唔合格仲係度傾計講笑，我依家去開會，出嚟之後要見到你地識默曬，收唔收到。」癡線婆忽然出現在背後說。

「...」我們同時嚇到了。

「唔識應人架，答我喇。」癡線婆說。

「哦好，收到。」我們同步說。

「唉..依家啲學生真係..以前都冇咁差....真係辛苦。」癡線婆邊走邊低聲抱怨。

「Miss真係誇張，唔怪得知高中啲師兄冇人想比佢教。」我說。

「其實佢都係為我哋好啫，不過啲手段就真係過分咗少少，應該唔會有咩人鐘意呢種模式教學。」Yuki回應。



之後嘅時間就係一片沉默度過了，因為冇理由背書都係度傾計架，何況兩人仲唔太熟悉。

「準備好啦，開始重默。」癡線婆終於都開完會喇，等咗佢成一個半鐘時間，明明我溫唔夠15分鐘就搞掂中午所剩下來的那部分。

一早喺中午背得七七八八嘅我就好快手就搞掂，我抬頭望向汪芷晴，她還認真地低頭努力和紙張戰鬥中。

「你哋肯一早溫咪唔洗留堂，既辛苦自己，又阻我收工。」癡線婆收完兩張默書之後抱怨。

未完待續...................