【校園】【愛情】A0毒男的愛情史: 【增進友情】

現在時間五點，我們兩個並肩放學，不過氣氛有點尷尬。

「喂，你住邊架。」她忽然問我。

「我住喺XX樓，做咩。」我說。

「冇，純粹好奇問下啫，咁你去唔去食下午茶啊，我有啲肚餓。」她把手撫摸著肚子說。

「好吖，我都有啲餓，你想食咩。」我說。



「去M記好唔好，我冇咩錢。」她提議。

「嗯嗯...就M記喇。」我讚成。

路上我為了避免尷尬打開手機玩皇室戰爭，但我忘記了的是她也有在玩這款遊戲。

很快已經到達了M記「係喎，你玩皇室好叻架嘛，教下我點玩啦，我成日都輸。」她說。

「慢慢嚟，叫咗嘢食先。」我說。



我們各自叫了餐點坐在圓形枱的凳子上，她坐在我旁邊令我感到很不自在，是因為我們還沒有到很熟悉的地步，頂多就是今天中午被迫一起共用餐桌吃飯，現在雙方的關係最多是HI，BYE朋友，儘管我能夠與她一同食下午茶感到愉悅，但對於現在的處境我也感到很尷尬。

「嗱Yuki，你唔好誤會吖，我想問下我地依家係咩關係。」我拋出了一個智障問題。

「吓！你咁樣問我又真係冇諗過喎。」她被這個問題嚇到了。

「嗯...等我諗下先吖，係同學?? 朋友?? 其實我都真係唔太清楚。」她手指托著下巴說。

「乜重要咩。」她問。



「冇，我都係隨便問下，唔好介意。」我說。

「咁你依家可唔可以做著我朋友先。」她說。

「我唔明喎，即係點。」我疑惑。

「冇咩特別，就係好似你平時對你啲朋友咁樣相處，依家個對象變咗我啫。」

「...」這次到我嚇呆了。

「係囉，咁你肯教我玩皇室未，朋友。」她微笑地看著沉默的我。

「哈，你開咗game先喇，朋友。」我如釋重負發自內心地笑了起來。

「嗱，你玩一場先，我喺隔離負責提你玩。」我已經拋下了【陌生人】這個稱呼的包袱了，現在面對她如同鬆了一口氣。



「好吖。」說罷她便開始了對戰。

戰鬥開始，她聖水已經儲存滿了，卻沒有放任何一張牌，在未知對方是什麼牌組，這舉動是非常正確的，謹慎是這遊戲最為重要的。

此刻對方用了一張骷髏軍團發起進攻，來勢洶洶，但在我看起來就是一個弱智的舉動。

「喂！你唔係諗住用隻王子拿去防骷髏軍團啊。」我看見她正要拉王子卡作防守出去而感到吃驚。

「吓，乜唔得架咩。」汪芷晴把卡牌收回去了。

「你用咗張萬箭齊發先。」我示意。

無數的箭雨從城堡發射，將排山倒海的骷髏消滅。



「之後點啊。」汪芷晴問。

「你試下用咗張王子進攻先，觀察下對面有啲咩牌。」我說。

在她放王子卡在河道的同時，對面那個智障也在同一個位子使用了巨人卡，巨人不斷前進進攻防禦塔，而王子卻一直用長槍在插它，巨人的血量不斷被消磨，很快巨人便成為了王子槍下之魂，擊殺巨人後的王子正在衝鋒模式前往進攻防禦塔。

「用張法師去幫佢，放喺王子後面就得。」我說。

「哦，好好好。」汪芷晴把法師卡龜速拉出來。

在她使出法師後，對面竟然用亡靈大軍抵擋王子的進攻，想當然會被法師清理的一乾二淨。

「Fire！」六隻在空中的亡靈軍團被會使用火魔法的法師連續噴出兩個火球燒滅殆盡。

「嗚呼呼！」第一座防禦塔爆破，另外主堡只剩下1700左右血量，之後對手直接放棄了。



「哇，我平時都未試過贏得咁順利，多得你吖。」勝利後汪芷晴的眼睛直視著我說。

受到汪芷晴讚美的我心靈上感到很滿足，臉頰不自覺向上揚起，雖然只是我的單戀，但這就是能夠跟自己喜歡的人待在一起時的感覺嗎。

「唔洗多謝，好簡單嘅事啫，話說你啲嘢食就嚟凍曬，你仲唔食??」我說。

「依家食，依家食。」隨後汪芷晴用手把漢堡裡頭的青檸檬一塊一塊夾起來。

「乜你唔食青檸檬架。」我食著漢堡問。 【更正】(漢堡裡面係酸青瓜，呢個垃圾作者手殘無腦寫錯，不過請當係劇情需要，希望各位唔好介意)

「我唔食得吖，我有光敏感。」汪芷晴答。

「光敏感，未聽過，咩嚟架。」我對於未知而感到好奇。



「Er.. 點講好呢，你當係一種皮膚病，食咗啲光敏感植物之後，曬太陽就會出現紅疹。」

「哦，咁你小心啲喎。」關懷的語氣。

「哈，你啲語氣好似我啊媽平時同我講嘅嘢一模一樣，真係好似啊。」汪芷晴笑著說。

食完漢堡之後再喺佢隔離教點玩，係我嘅指點之下玩咗幾鋪之後，汪芷晴已經開始對她自己的牌組有所熟悉，我提議讓她自己玩一場，然後她在沒有我的情況下也能夠輕鬆獲勝。

「耶，贏咗，唔洗你都贏到喇。」汪芷晴把贏得了三冠的畫面放在我面前。

「叻啦，唔需要我喇依家。」我食著薯條回應。

「唔好咁講，多得你肯慢慢教我玩又唔嫌我學得慢，依家先咁上手。」汪芷晴雙手合十說。

「...」我繼續食薯條。

「喂，朋友你唔係嬲吖。」汪芷晴說。

「冇嬲。」我真係冇嬲，只是發呆中。

「都唔知係咪架。」汪芷晴語氣輕佻地說。

未完待續...........