【校園】【愛情】A0毒男的愛情史: 【荒謬計劃】

「啪」一聲 時間回到星期六早上十點左右。

「唉，仆得街，點會比force仔知我同汪芷晴兩個人去食下午茶，佢最仇恨現充。」早上剛睡醒躺在床上的我正在苦惱中。

「點算啊，點算好啊。」重複說了無數次。

既然事發係因為汪芷晴，咁不如試下揾佢幫幫手??但係佢會唔會睬我架，成件事都好似唔關佢事，算喇試咗先再講，未來冇人知會係點。

我:「Yuki你得唔得閒，我有啲事想揾你幫手。」



汪芷晴:「咩事啊。」秒讀秒覆。

我:「有啲難講出口。」真係好難講，唔通直接講話因為星期五個日同你去食下午茶，而畀班兄弟知道而判決我咩，講出嚟自己都尷尬。

汪芷晴:「你講咗畀我聽先。」

我:「XYZ......」我決定將事情全盤托出，內容太鬼長喇，廢時又要你地睇多次，我咁樣呃字數自己都唔好意思啦。

我:「你覺得點算好。」



汪芷晴:「你班朋友真係有趣，我都唔知點算好，不過如果你諗到辦法嘅不妨講下，我會幫你手。」

我:「多謝，有你呢句我就安樂。」隨後附上一個熊怪圖案感激不盡的sticker。

晚上七點。

叮，手機傳來一則屬於汪芷晴信息

汪芷晴:「喂，你有冇諗到點算好。」



我:「我諗到一個幾差嘅方法，但係唔知你覺得點。」

汪芷晴:「請問係咩呢。」

我:「我想你暫時扮住我女朋友先。」 同時也想她真的成為我女朋友，不過冇咩可能，女神呢樣嘢，可遠觀架咋。

汪芷晴:「......」

我:「我都覺得個方法有啲荒謬，你唔洗太過認真，我會再諗過其他嘅方法。」

汪芷晴:「我冇所謂啊，反正你同我都知我哋唔係真正嘅情侶咪得囉。」

我:「吓，你真係OK??唔得嘅話其實唔洗勉強自己。」

汪芷晴:「我真係OK，再唔係遲啲事成之後你請我食翻餐飯喇。」



我:「Sorry啊，咁樣麻煩到你，事成之後一定請你食翻餐飯。」

汪芷晴:「咁你依家差我一餐飯架喇。」

未完待續.................