【校園】【愛情】A0毒男的愛情史: 【接吻危機-上】

「啪」一聲 畫面重新回到3E班房。

汪芷晴已經走到了班房門口緩緩出現，所有人都目瞪口呆看著她不敢相信她就是證人，因為就是她導致這場審判出現的罪魁禍首。

「呢位女同學，我哋依家有好重要嘅事情處理緊，希望你可以迴避一下。」法官已經走火入魔。

「唔好意思，佢就係可以證明我清白嘅證人--汪芷晴」我對著所有人說道。

「吓！?」法官不解，一個被告和令被告犯罪的人到底要如何澄清。



「我想問呢，你哋做咩用麻繩綁住我男朋友喺凳到。」汪芷晴忽然道出驚天地泣鬼神的說話，不過一切都是在我的脫難計劃之中。

「因為林生佢犯咗罪，等陣...咩話..男朋友??...你再講多一次。」法官嚴重懷疑緊自己對耳仔係咪聽錯。

「我話！你哋做乜嘢綁住我男朋友吖！」這人不去拍戲真的是浪費，情感豐富得嚟又唔會太過浮誇，我敢保證一定有奧斯卡。(押韻添...)

「...」場面一度冷落，所有人的視線同時落在我身上。

「唉，其實我原本都唔想咁張揚，不過畀你哋見到都冇計，我認我哋係拍緊拖。」我假裝歎著氣說道表示自己很無奈。



其實計劃很簡單，依家force以為我追緊汪芷晴，咁只要將個事情的本質變為已發生，咁就一天都光曬，不過原本以為最困難嘅就係汪芷晴呢關，要畀人知佢同我呢個毒男一齊，點知佢都肯陪我顛埋一份，真係好多謝你汪芷晴。(唔知你本人會唔會有一日見到呢篇文呢，希望會喇。)

「我唔相信你哋拍緊拖，除非你兩個當場kiss，咁樣就有說服力啲。」法官疑心仍然好重，點都唔肯信我哋。

「你唔好顛喇，咁多人在場，我唔怕醜啊晴佢都怕醜喇。」口快快咁講咗啊晴添，算喇錯有錯著，佢都應該唔會介意掛。

班房大約有8人，刪去我同汪芷晴之外，還有6個男生在場站在一旁，其實我真係冇諗過會去到呢個地步， 依家嘅我仿佛身處懸崖邊處進退兩難，前方踏出呢一小步就要掉進懸崖摔死，因為我們是假裝的關係，而後方則有無數把利刃緊緊逼迫，唔踏出去就要畀身後無數嘅利刃刺死。

「冇辦法喇，你做唔到就唯有處決喇，人嚟！」法官道。



「咪住先。」我決定要豁出去了嗎??

未完待續..................(作者係個大仆街停喺呢到)