【校園】【愛情】A0毒男的愛情史: 【接吻危機-下】

「你其實都係要確認我哋喺咪真係情侶啫，有冇其他方法。」我真的不想令到汪芷晴難堪。

「冇，接吻係最快同時亦都係最簡單嘅確認方案，如果你接受唔到，就乖乖受刑喇。」法官絲毫不打算退讓。

我望向汪芷晴，她的眼神帶著點猶豫，我唔想令到佢難做，畢竟我們的關係也只不過是假裝出來，沒必要去得這麼認真，就當我選擇全盤托出放棄乖乖受刑時，她出聲了。

「好啊！嚟咪嚟，怕你啊，你哋鬆開我男朋友先。」說罷她的目光緊緊盯著我。

「等陣先，畀我同啊晴講兩句。」雖說我想把初吻獻上給她，同樣也是我多年來的夢想，但我並不想在這種情況之下呢，而且我也肯定她只是為了幫我脫難而這樣做。



「你諗清楚先，其實你唔洗為咗我而咁樣，我覺得唔值得。」被鬆綁後，我用氣音在啊晴耳邊說。

「嗯..做戲做全套，唔咁樣做嘅佢哋應該唔會信係真。」汪芷晴同樣在我耳邊用氣音說，這女孩也太過好人吧。

「好...如果你唔介意...」我心情極差，明明有得同自己暗戀對象kiss應該係會開心架，但個心好似有條刺喺度頂住，好唔舒服呢種感覺。

隨後我便站起身來，眼睛注視著啊晴，這個身高只有160的女孩同樣看著我，我仔細一看發現她的身體微微顫抖著，我真的做得出來嗎，因為自己造成的問題，而要她來承受痛苦。

我將手掌緩緩放在她的臉頰上，極度緩慢地把嘴巴靠近，她的眼睛閉得緊緊，雙拳緊握著站在原地，我察覺到汪芷晴現在緊張萬分的神緒。



我猶豫了，在到達嘴唇前一刻停了下來，我做不到，真的做不出這種事，很惡心。

「 屌！停啊。」force在我停下來同時忽然大叫。

「...」被突如其來的大叫聲嚇到，我同啊晴的目光轉向聲音來源。

「頂你個肺吖，你哋真係諗住錫㗎喎，要錫嘅就自己翻屋企慢慢搞。」force道。吓...依家啫係點樣，我冇事喇??明明都冇成功接吻，我脫難了??

「妖，收隊，呢個有女嘅叛徒唔值得我哋勞師動眾，同埋恭喜你無罪釋放。」說罷他們全部人便離開了班房，只留下我同啊晴兩個人待在原地。



「吓，依家啫係冇事喇??」我拋出問題。

「嗯..我估應該就好似係。」啊晴道。

「咁...一齊翻去??」處境非常之尷尬，上一秒先差點要接吻了，現在卻好像什麼事都沒有。

「嗯，好。」啊晴道。

回家路上雙方都沒有再有任何一言了，踏出校門，走路，雙方都不打算為剛才的事做討論，安靜地走到大廈。

「聼日見喇。」啊晴道。

「嗯..好，聼日見。」我回應。

未完待續..............................