【校園】【愛情】A0毒男的愛情史: 【阻礙--中】

「喂，叛徒你女朋友呢。」force隨便找了一個空位坐下。

「係囉，你激嬲人啊，一定係琴日你夾硬嚟想錫人，依家人地嬲喇。」Andy喺隔離加把口。

「癡線，都唔鬼知係因為邊個先搞到依家咁樣。」我怪罪他們，原本打算同啊晴慢慢熟悉，點知依家變咗假裝情侶，令我更加不知所措，雖然喺人哋眼中看似很爽，有個女神做自己女朋友，但自己心中有數，永遠都不會是真的。

「頂你喇，自己拍拖收收埋埋，抵你死。」force應該理解錯了我的話語。

「咁我想低調！低調吖嘛。」低乜鬼嘢調吖，如果我真係追到啊晴，仲唔大事宣揚，曬命曬到人哋都覺得煩喇，不過冇咩可能㗎喇。



「唉，費事同你拗，咁你今日中午食唔食飯㗎。」force問道。

「唔喇，我今日返歸食飯。」想起銀包裏面只剩下一張20元，其實係我今日唔記得帶錢。

「返歸！? 你去同汪芷晴食飯咋。」force胡亂猜測。

「唉，條友仔肯定要同女食飯都唔要同朋友食㗎喇，重色輕友，佢冇救㗎喇。」Andy加碼一份。

「妖，我真係冇帶錢啊。」我直接將僅剩一張20元港幣的銀包拎出嚟讓他們過目。



「得啦得啦，咁你記得同汪芷晴食得開心啲喇。」force講道。

「妖，都話唔係囉。」說完他們已經走遠了。

時間來到中午飯後嘅小息，我再次揾啊晴打算傾件事。

「啊晴你有冇少少時間。」我問道。

「唔好意思啊，我學會個邊miss揾我幫手搞活動啊，不如放學再傾吖。」啊晴講道。



「咁好啦，唔阻你，你學會嗰邊加油。」我講道。

未完待續..................(呢個垃圾作者真係好鬼懶)