【校園】【愛情】A0毒男的愛情史: 【阻礙--下】

到放學時間，我今次一定要傾到大致方案。

「啊晴...」我正要說話時被人打斷了。

「磅！林同學，你身為棋藝學會成員，咁多次都唔嚟集會，到底咩意思呢。」棋藝學會會長雙手用力咁一嘢啪落我枱面，非常激動講道。

話說點解小弟會參加個學會呢，事源我哋學校一定要逼同學求其揾個學會，話咩可以令同學各方面都發展所長，黐孖筋，日日曬我時間，校長我就唔夠膽當住面屌柒你，不過依家係小說裡面「校長，我問候你的母親！！！」

「咁我唔想去吖嘛。」喺嗰度真係會悶到嘔，淨係玩棋、玩棋同玩棋，夠鐘就放人，可能有人鐘意呢種玩法，但絕對唔適合我，再加上自身嘅性格，唔會揾到人吹水。



「唔想去！?咁你參加嚟做咩。」會長聽到後更加激動，佢肯定估唔到我會答得咁直接(對唔住喇會長，我真係唔想去啊。)

「咁學校逼㗎嘛，你估我真係想參加咩。」我照直講道。

「唔得啊！我唔想知你有啲咩理由，今日點都要你出席，我同唔到負責老師交代。」會長佢真係好鬼激動。

「我唔去吖，你放過我啦好唔好。」我依然選擇抗拒。

「不如你去咗先喇，件事遲啲打電話再講啦，唔好搞到會長人哋難做啦。」啊晴喺隔離講道。



「嗯...啊晴你都咁樣講，我去囉。」啊晴嘅提議，我係絕對唔會拒絕㗎，嘿嘿。(理由唔需要講，相信各位都知，我費事有啲人真係唔知，個理由就係因為你鐘意一個人個時，你唔會想拒絕佢嘅任何事，令到佢唔開心。呃下字數先🤭🤭)

未完待續.......................又到作者心聲(冇時間寫文喇😭😭)