【校園】【愛情】A0毒男的愛情史: 【突如其來的工作】

【我休息夠喇，夠鐘翻嚟寫文。】

「我要揾兩個人喺下個星期五上禮堂做司儀，你哋有冇人自願想做。」依家中文堂，癡線婆講道。

「...」全班都沉默低頭假裝著看課本，沒有一個人想跟癡線婆對上視線，避免成為被選擇的那一個，當然我也是同樣也不想當選。

「喂，啊晴，你唔係諗住去做司儀吖，好辛苦㗎喎。」我見到啊晴蠢蠢躍動想舉手，想當年中一時期嘅我懵懂無知，被中文啊sir慫恿去試下，點知辛苦到呢，又要背稿，又要炒熱氣氛，我個陣時就發誓唔會再做司儀。

「咁好似幾好玩咁吖嘛，不如一齊吖。」啊晴講道，雖然聽落好吸引，真係好鬼吸引，有得同啊晴企喺同一個舞台，但我發過誓㗎嘛，我係唔會咁容易打破自己原則㗎。



「唔...唔好喇，有心。」我搖頭講道，諗翻起嗰時嘅痛苦，即使是心上人都動搖不了我。

「汪芷晴同學，你有冇興趣去做司儀?」癡線婆講道。

「有少少。」啊晴回道。

「咁就就決定係你喇，依家仲差一個，我想揾多個男仔上台，學校個邊要求一男一女。」癡線婆講道。

聽到癡線婆話要一男一女嘅時候，女仔個邊全部人都鬆一口氣，反觀男仔嗰個都驚到傻，是那種打從心底裡的恐懼。



「唔好揀我，唔好揀我啊。」我心底祈禱。

「汪芷晴同學，不如你幫老師揀個男仔陪你做司儀吖。」癡線婆講道。

「嗯....咁就....」啊晴上下打量我，你想點...唔好亂嚟啊。

「miss，我想推介林梓圓去做司儀，我記得佢以前有做過。」啊晴講道，真係估唔到佢記得。

「頂，我就估到會係呢種劇情發生。」我心中暗道。



「Woo~Woo~Woo~」歡呼聲。

「好閃啊」「唔該唔好放狗糧」「喂有冇黑超，我隻眼就嚟盲。」各種同學嘅抽水來臨，因為自從審判日之後，我同啊晴拍拖嘅信息越傳越大，話曬都係女神，話題性夠大，開頭就得自己班知，唔夠幾日已經差唔多全層樓都收到風，消息真係快。

「好，就咁話，你哋兩個放學上嚟七樓揾我，傾下個大致流程。」癡線婆講道。

未完待續..........(星期六日冇文，不過我會寫。)