【校園】【愛情】A0毒男的愛情史: 【她的喜好】

【突發短文！請當我琴日星期六日冇文冇講過】

「咚咚咚，唔該我想揾Miss Tsang。」放學時侯我在教員室門外敲門說道，？Miss Tsang就係癡線婆本人。

「哦，你哋嚟喇，等多我一陣，我搞埋啲手尾就傾，你哋兩個去圖書館等住先。」癡線婆講完就走咗，得翻我一個喺門口出面。

「啊晴。」我對住挨住欄杆嘅啊晴講道，話說我哋學校七樓個景真係幾唔錯，有海又有山，有種令人心曠神怡嘅感覺。

「誒Miss Tsang 人呢。」啊晴對於我一個人嘅到來感到疑惑。



「啊癡...唔係，Miss 叫我哋去住圖書館等，佢仲有啲有手尾搞。」我解釋。

「嗯！?仲唔行，有咩咁好睇啊。」我見啊晴雙手搭住欄杆望住個海，好似好有心事咁。

「冇啊，咁就嚟到黃昏，諗住可能有夕陽光睇，不過依家咁多雲，應該冇咩機會睇啦。」啊晴講道。

「乜你鐘意睇夕陽㗎咩。」我問道。

「都幾鐘意，冇雲個陣啲光照落啲海到都幾靚㗎，feel到個人好放鬆，如果第時有人向我求婚，一定要佢喺黃昏嗰陣求。」啊晴講道。



「咁都應該幾難喎，嗰個人應該唔識控制天氣，真係辛苦曬佢。」我回應，好！黃昏吖嘛，我會銘記於心㗎啦。

「唉，唔講住喇，去圖書館坐住先啦，好熱啊出面真係。」啊晴講道。

未完待續............