【校園】【愛情】A0毒男的愛情史: 【會議室】

【星期日勤力出文嘅我】

「好喇，兩位，呢份就係台詞稿，遲啲你哋自己翻去背熟佢，下個星期五就要搞掂。」癡線婆將兩份有三頁充滿對白嘅紙交落我哋手中。

「......」長達一個鐘嘅精彩演說，全部都係關於下星期五個日去禮堂要做嘅詳情。

「大致上就係咁，有冇問題。」癡線婆講道。

「冇」我哋異口同聲說。



癡線婆走後，得翻我哋兩個喺會議室。

「唉，乜原來要背稿㗎咩，我冇聽過嘅。」啊晴不滿哋講道，嘿嘿，想當年我也是這樣，獨自一人，慢慢承受接下來嘅痛苦喇汪芷晴。

「我有同你講過會做司儀好辛苦㗎，你聽唔入耳啫。」我回應。

「邊諗到咁多嘢做，邊到有司儀係咁㗎，同我想象中落差太大。」啊晴抱怨。

「係咁㗎喇。」我正在收拾筆記，準備回家。



「你以前唔係做過司儀㗎咩，點解唔同我講嘅。」啊晴依舊抱怨中。

「你都拖我落水玩埋一份添喇。」我說。

「Sorry囉，諗住可以一齊玩下㗎嘛。」啊晴說。

「唉，咁你準備翻屋企未啊。」我已經收拾好了。

「我行得喇。」啊晴背起書包說道。



「咁行啦。」一齊翻屋企已經算係我哋嘅日常。

未完待續...........