【校園】【愛情】A0毒男的愛情史: 【臥龍家姐】

搭完𨋢翻到屋企。

「原來就係嗰個女仔啊，估唔到我細佬眼光幾好吖。」家姐說道。

「點啊，唔知你都知咗喇，你仲想點。」原本我諗住詐傻扮懵唔講，點知半路殺出個程咬金。

「咁勞氣做咩啫，佢叫咩呢....啊汪芷晴幾好吖，眼大大，樣又靚，幾得意吖，又有禮貌，唔似得你，粗粗魯魯成日講粗口。」家姐說道。

「妖，收皮喇。」我說道。



「咁你哋依家點，咩關係啫。」家姐問道。

「唉，好亂啊。」我連自己跟啊晴是什麼關係也不清楚，假裝情侶??朋友??還只是隔離位同學。

「你講乜啊，問非所答嘅。」家姐說道。

「唉，家姐你要唔要聽故仔，都幾精彩。」我打算將最近這一星期發生嘅事全部講出嚟，平時同家姐講心事都係用呢句做開頭。

「.....」用半個鐘嚟概括呢個星期發生嘅事。



「吓！姐係佢依家喺學校扮緊你女朋友???」家姐驚訝不已講得超大聲。

「Shh！！細聲啲啦你，驚死樓上樓下聽唔到咩。」我連忙反手揞住家姐把口。

「哦Sorry，你點會搞成咁㗎。」家姐問道。

「唉，我都唔知吖，好麻煩啊依家。」我歎著氣說道。

「咁你鐘唔鐘意人哋㗎。」家姐說



「鐘意，點會唔鐘意。」邊會唔鐘意啫，話曬都暗戀咗三年。

「咁就得，鐘意就去馬喇，咁你有冇試過約過人出街啊。」家姐說。

「冇」我記得一次都冇。

「咁渣㗎你，唔緊要，等家姐做你軍師，人稱臥龍，包保你成功，話曬都成日被啲狗公追，點都識得兩三招嘅。」家姐自滿地說道。

不過話時話其實家姐都幾靚女，妝都唔洗化已經美如天仙，唔通呢啲就係女仔夢寐以求嘅天生麗質，有時陪家姐行街個陣被人望住成日都有種自卑感，一個靚女同一個毒撚行埋一齊，甚至試過有人喺路邊問家姐係咪PTGF，想當然佢畀我家姐屌佢祖宗十八代屌到走咗。

如果佢唔係我家姐，話唔定我依家做緊佢隻兵，不過只要見識過所謂女神佢喺屋企真實嘅舉動，你就會明白女神其實都只不過係凡人一個，好似講太多添，為避免惹來殺身之禍，我都係收爹先喇。

「掂唔掂㗎。」我覺得家姐不可信。

「你收爹，開WhatsApp，問人哋星期六去唔去睇戲，我有戲飛，送埋畀你又點話。」家姐以命令語氣跟我說。



「使唔使咁急呀。」我無奈地打開電話。

未完待續......................