【校園】【愛情】A0毒男的愛情史: 【約定】

打開WhatsApp，尋找聯絡人叫汪芷晴嘅人物

「喂，家姐我要點樣揾佢啊。」我問道。

「唉，拎你部電話嚟啦，睇下你哋傾過咩。」家姐張開手板索要我部電話。

「嗱，喺度。」我將對話內容打開遞給家姐。

「...」想知到對話內容詳情可以翻去查看【荒謬計劃】裡面有齊曬。



「你咪話過要請人食飯囉，咪用呢個藉口約人，通常女仔多數都唔會拒絕。」家姐指著電話熒幕說道。

「係咪㗎。」我懷疑。

「得喇，你信我喇，唉麻鬼煩，我幫你send出去喇。」家姐已經開始打字。

「唔使，我自己嚟。」我將電話奪回。

「我幫你啦，信你唔過囉。」家姐再次奪回電話。



WhatsApp 時間，家姐依家幫我send信息。

我:「HI，啊晴。」

晴:「做咩啊，你有功課唔識咩。」

我:「算係喇，不過我有其他重要事想揾你。」

晴:「有咩事呢。」



我:「冇，之前咪話過要請你食飯嘅，家姐佢無端端送咗兩張戲飛畀我，諗住唔好嘥咗佢，想問你星期六得唔得閒一齊去啫。」

晴:「你唔講我都唔記得有呢件事添，咁嗰套咩戲嚟㗎。」

我:「媽媽的神奇小子」附上戲飛照片。

晴:「咁啱嘅，我最近都想睇呢套啊。」

我「咁約定你今個星期六㗎喇。」

晴:「好吖，星期六見啦。」

晴:「咁你啲功課點啊，唔做你聼日又畀Paul sir 鬧喇。」

「幫你約咗人哋星期六，之後你自己搞掂佢啦，」家姐將電話畀翻我就入我房打機。



我:「哦，係啊，我想問今日物理嗰份功課呢，我全部都唔識做😓」

汪芷晴的來電

「喂~」我對於來電感到震驚。

「你拎啲功課出嚟先啦，睇死你又打算玩皇室戰爭㗎喇。」啊晴道。

「我邊有啫。」我將物理功課拿出來。

「......」畀啊晴教咗半個鐘終於搞掂曬所以功課，之後又傾下無聊嘢，就到夜晚8點左右。

「唉唔同你講住喇，我去食飯先。」啊晴道。



「我都差唔多開飯，係咁先啦。」我道。

「Bye~」「Bye~」說罷就掛斷了電話。

未完待續.......................