【校園】【愛情】A0毒男的愛情史: 【隱世餐廳】

【唉，我手殘改錯字撳到公開，搞到上咗更新，唔好意思各位，呢篇係星期一嘅文。】

我約咗啊晴喺商場等，諗住食完飯再去睇戲，話咁快女主角就嚟到。

「咁早嘅你。」啊晴佢嘅穿搭係日常配搭，上身一件簡單白色短袖上衣，下身著住去行山嘅Adidas黑色緊身褲，外加一雙白色螢光綠底波鞋，整個人看起來很精神。

「咁冇理由要你等我吖嘛，我都係等咗陣。」我提早咗10分鐘已經喺商場等待，試圖平復自己嘅心情，因為真係.....真係好鬼死緊張！！

「今日你咁唔同嘅。」啊晴上下打量我說道。



「哈哈，係咩。」終於輪到我嘅衣著穿搭，我今日著咗件藍色襯衫加一件黑白色間條外套，下身則一條米色鬆身褲加白色波鞋，與以前只穿動漫衫長褲拖鞋出街的我折然不同。

「嗯，望落去好唔同，第一次見你咁樣著，好新鮮種感覺。」啊晴單手托著下巴說道。

「不如去食飯先囉，你有冇話有咩想食吖，唔洗客氣，今日我埋單。」我拍拍胸口說道。

「我冇所謂吖，你有冇咩好推介。」啊晴道。

「嗯...我諗到喇，附近有間唔錯嘅餐廳，雖然好少人去，不過味道有我信心保證。」我說道。



我打算帶啊晴去我由細食到大嘅飯店，雖然話就話唔係乜高級餐廳，裝飾一般般，但味道還不錯，對於啲窮學生嚟講，係個不二選擇。

......

行咗五分鐘，從大街轉進入小巷，同樣的地方，不過今次唔再係我自己一個人嚟食飯，我身邊有位女神陪我啊，真係死而無憾。

我推開大門，裡面的喇叭設備柔和地播放著dear jane嘅銀河修理員，但卻是表現座無虛席的相反，一個人影都沒有，這才是正常的。

聽到有門鈴聲後的老闆娘瞬間飛撲出來，查看來者到底是何方神聖。



「Hi，夏姨姨，我嚟幫你捧場喇。」我對從小到大看著我成長的老闆娘揮手說道。

「死圓仔吖，咁耐都唔過嚟食一次飯，係咪想激死你夏姨姨我。」老闆娘用手搣住我臉頰的肉上下左右來回轉動，當我臉頰是肉球似的。

「喂痛吖！會痛㗎吖。」我退後了幾步。

「識痛喇咩，呢下就當懲罰你呢兩個星期都唔過嚟幫襯。」老闆娘說道。

「哈哈~」啊晴看到這搞笑的畫面笑了出來。

老闆娘聽到啊晴嘅笑聲後，方才注意到這個女生的存在，目光再度放在我身上。

「唔怪得知冇嚟幫襯啦，原來識咗女朋友仔，曳啊你，拍拖都唔同你夏姨姨講。」老闆娘摟住我肩膀說道。

「靚女叫咩名啊。」老闆娘態度180度打轉變，真係體現出咩叫翻臉快過翻書。



「你好，我叫啊晴。」啊晴微微點頭說道。

「原來叫啊晴吖，幾好聽吖個名，死圓仔真係有福氣啊，識到個咁靚嘅女朋友仔。」老闆娘說道。

「快啲去招呼人哋啦，企喺度做咩啫。」老闆娘對我說道。

「吓！乜我依家唔係客人咩，呢啲嘢唔係應該你做㗎咩。」我說道。

「客你個死人頭，睇你都真係好耐冇食過你夏姨姨嘅正義鐵拳喇。」老闆娘啪著手骨說道。

「唉，對唔住！對唔住！我錯，我去招呼，收翻埋你個拳頭先，我哋文明人嚟㗎嘛，禁止暴力吖。」說罷我便隨便找了個座位，將它緩緩拉出來並邀請啊晴坐下。

「咁樣先有風度嘛，餐牌喺度，諗好食咩再叫我喇。」老闆娘識趣地讓開空間。



未完待續...................