【校園】【愛情】A0毒男的愛情史: 【前兆】

【對唔住最近冇時間寫文😔😔】

星期六早上，今日就係同啊晴去睇戲食飯嘅日子，儘管身為毒撚嘅我，人生第一次同女仔出街點都要打扮下嘅。

古(乳)語有雲，人靠衣裝，佛靠金裝，喺呢個靚仔玩曬嘅世界，打扮顯得頗為重要，常言道「你的樣子如何，你的日子也必如何。」即使係我都會明白呢個道理。

我望住衣櫃幾日前同家姐商量嘅嗰套戰衣，自信感上升了不少，相信著上身會有煥然一新嘅感覺，意味著我由毒撚level up到普通人了。

套戲時間係下午兩點幾，仲有大把時間，事前功課點都要做好嘅，你哋估唔估到有乜準備呢，其實我都唔知準備咩好，所以我諗到嘅就係去WhatsApp group【鴨仔團】發問求救。



我:「各位大佬，小弟有一事請求，下晝我要同啊晴去睇戲，有乜要準備好。」

Andy:「吓，你約人睇戲，講真定講假。」

Force:「死現充，跳樓死啦。」

我:「妖，咪玩我認真問㗎。」

Andy:「個人企理啲，gel埋個頭就最好喇，揾件見得人嘅衫啦，你啲毒撚衫太唔掂，著出嚟都唔好意思。」



我:「頂你吖，乜依家我啲衫好失禮人咩。」

Andy，Force:「係。」

我:「仆你哋個街吖，仲有冇其他。」

Force:「依家到底你求人定我哋求你。」

我:「唉，我錯我錯，對唔住大佬。」



傾咗一大輪，都冇咩講到重點，反而畀人瘋狂抽水，個時間都差唔多到中午。

「仆街仔咪潛水。」「上線啊，未講完啊。」
「我哋餐出pool飯呢。」

「叮叮叮」數之不盡嘅信息來襲，我選擇逃避暫時封存咗嗰group，換得短暫嘅平靜。

距離同啊晴嘅約定食中午時間仲有一個鐘，我先梳洗更衣，諗住做好萬全準備。

但啊晴明明就同我住同一棟樓，其實唔洗咁鬼趕，但都會擔心呢樣嗰樣，唔知自己搞乜，可能第一次同暗戀對象出街緊張掛。

我係出門口一瞬間隱約察覺到今日係個不平凡嘅日子。

未完待續.................