【校園】【愛情】A0毒男的愛情史: 【單方面約會】

【感謝風神雷神所帶來的圓規，有時間打呢篇文。】

「喂jimmy，套戲幾點開始㗎。」啊晴在商場與我並肩而行說道。

「兩點搭三啊，依家仲有半個鐘時間，不如周圍行下囉好冇。」我說道。

「去邊到好吖?」啊晴問道。

「書店?」我左盼右盼，附近都沒有什麼值得一逛的地方，所以給出了這個答案。



搭(車立)上咗去二樓，去咗附近一家小型書店，店裡面積不大，有四行書櫃以及一個類似休息坐下的地方，剛進來時聞到一股淡淡的花香味，呢種味道同新書個陣味道好夾，令人愜意。

我走去那行關於心裡學嘅書架查閱，隨手拿了一本名叫【你的善良，必須有點鋒芒。】因為我對這本書的標題所吸引著。

「呢本書我有睇過吖。」啊晴輕聲地說道。

「咁好唔好睇㗎。」我也用氣音回道。

「幾好睇，本書重新定義咗我對「善良」嘅定義，內容寫得好詳細豐富。」啊晴說道。



我轉向書本背後，看了看價錢$78元，還在接受範圍之內，買唔買好呢。

「唔好喺度買啦，好嘥錢，學校圖書館都有得借。」啊晴看穿了我的心思。

「...」我點頭示意。

......

「啊晴，差唔多夠鐘喇。」我輕拍了啊晴肩膀，她正沉醉在閱讀的時光，好像沒有聽到。



「啊晴.......汪！芷！晴！」我將每個字都慢慢讀出。

「吓，咩事啊。」啊晴受驚地望向我。

「套戲就嚟開場喇。」我把電話顯示時間放在她面前。

「嗯，好吖，行喇。」啊晴將書籍放回原處。

......

「唔該。」我對著前台接待說道。

「買飛個邊撳機。」員工機器式地回應。

我遞出兩張戲飛給員工過目，他便放行了，我哋各自揾到自己個位坐低，等待電影開始。



啊晴拎電話出嚟，打開IG，影咗前面嘅大銀幕，加上caption:「好耶有人請睇戲🥳」然後就po出咗story，隨後關掉通知收好電話。

......

【雖然你一出世就係輸，但你絕對唔會輸一世㗎】電影裡的蘇媽說道。

套戲當然精彩，不過我隔離個位更加吸引我目光囉，好彩電影院裡面漆黑一片，同埋啊晴都好專心睇套戲冇咩留意我，唔係如果對上目光真係會尷尬死。

「其實啊晴佢點睇我㗎呢?」我不禁在心中暗道。

去到電影高潮位，一個天生患有痙攣的男主角，不能正常動作，聽力亦嚴重受損。在蘇媽多年的悉心照顧下，他發現自己對田徑的熱情，更加入殘奧的田徑隊，更是成功成為殘奧男子100米及200米的世界紀錄保持者，擁有「超級神奇小子」之稱。

我再度望向啊晴，她的眼目光移不開大銀幕，被電影的故事深深吸引著。



【我知我起步慢，但呢個就係點解我會要繼續去衝、繼續去追嘅原因，同我條命一樣，我就係要喺後面追上嚟！】電影男主角說道。

......

電影完場後。

「好勵志吖套電影，如果有日你好似個主角咁，一出世就有啲咁嘅病，你會點算好吖。」啊晴說道。

「嗯...我諗自己應該會努力過好每一日，直到自己死個日到來。」我思考片刻說道。

「咁積極面對嘅你。」啊晴說道。

「人生十常八九都不如意㗎喇，冇得你怨個天，咪唯有做好自己。」我說道。

「唔講呢樣住，我有個地方想帶你去，唔知汪小姐你賞唔賞面呢。」呢個方案係家姐提供嘅溝女大計，我負責實行啫。



「去邊到吖。」啊晴說。

「陣間你咪知囉，搭(車立)上去先喇。」我說。

未完待續................