【校園】【愛情】A0毒男的愛情史: 【啪一聲】

「叮」一聲，電梯來到八樓，往前走這裡附近有一座溜冰場。

「你想帶我嚟溜冰啊。」啊晴瞧了瞧眼前的風景說道。

「冇錯。」我說道。

......

「啪」一聲，時間像似八十年代時期黑白色的粵語片正在倒帶中。



「家姐！」我打開自己房門問道。

「等陣先，唔得閒。」家姐用我部電腦同佢啲朋友玩緊apex英雄。

我揾咗將凳喺隔離睇家姐玩，不過佢玩得勁廢，我都唔知佢到底點樣用DPI(滑鼠靈敏度) 400玩呢隻game，乜真係唔會玩到隻手肌肉痛咩?

「吖！仆街，有人射我吖。」家姐受驚叫得超大聲，同佢平時嘅形象完全唔同，所以我先話其實女神都係凡人一個，唔好再對呢啲讀緊大學二年級嘅女神有咁多幻想喇。

「喺邊到啊。」家姐朋友的聲音從耳機傳出。



「嗰度啊，咪嗰度囉。」救命...家姐你咁樣邊個聽得明你講嘢，我睇唔過眼用手背拍家姐膊頭，示意選手交替，先將靈敏度調回2800。

我用金盾自救之後，補滿盾同血，就開始我嘅表演，拎住把R-301以及EVA-8 auto左一個右一個開始虐殺呢班銅牌仔，家姐啲朋友一早死曬，連復活時間都過埋，得翻我自己一個人。

最後好可惜冇贏到，剩餘三隊，子彈都用清光再加被人數壓制，遺憾以第三名告終，不過完場後家姐被佢嘅朋友瘋狂吹捧次數不斷上升。

......

「你唔係有事揾我咩。」家姐說道。



「係啊臥龍軍師，我想問下食完飯同睇埋戲之後有咩好做。」我無知地問道。

「嗯...我記得商場八樓嗰度咪有個溜冰場囉，帶人哋去玩啦，如果人哋唔識溜冰仲可以拖住手仔慢慢教人添。」家姐提出。

「呢度$500蚊，星期六拎去溝女喇。」家姐從銀包拎出一張十年難得一見嘅啡牛給我。

「多謝家姐，幾時都話家姐又靚女又體貼㗎啫。」我四目發光地說道。

「好假吖，幫我撳下膊頭算啦，呢排唔知咩事膊頭啲肌肉好鬼死酸痛。」家姐坐在電競椅上說道。

「係係係，小人遵命。」我馬上去感激這位金主。
......

「啪」一聲，時間重新回到現在，具體係點將時間逆轉嘅我都唔清楚，可能呢個故事有超能力。



「我唔識得溜冰㗎喎。」啊晴說道。

「唔緊要啦，試下啦，唔識嘅我教你。」我期待嘅答案出咗嚟，如果你識個計劃仲得了。

未完待續..................