【校園】【愛情】A0毒男的愛情史: 【司儀篇-上】

【喺醫院生活實在太過枯燥乏味，即使畀全世界叫我唔好再用電話好好修養，都係忍唔住寫文吖，小弟我仲未知幾時可以出院。】

依家發生緊咩事呢，燈光映射在舞台上，台下數百名學生的目光集中在舞台上，冇錯終於到咗呢日，星期五嘅就值及頒獎典禮，我同啊晴身為司儀喺後台調整緊心情。

「都一齊練咗成個星期喇，你掂㗎。」我對著身旁微微顫抖中的啊晴說道。

「你都講得啱，行喇，夠鐘喇。」啊晴深吸一口氣說道。

壯觀，淨係可以用壯觀呢個詞形容，望住台下百多名的身穿校服嘅學生，無比貼切。



我:「校長，各位老師，午安，我哋係今日嘅司儀，我係中三樂班嘅林梓圓。」

晴:「我係中三樂班嘅汪芷晴。」

我:「好榮幸今年能夠係咁重要嘅派遣禮中擔任司儀，希望唔會悶親大家喇。」

晴:「冇錯，每一年都有好多同學為學校服務，而一陣間呢個簡單而隆重嘅典禮完成後，就代表新學年的服務正式開展，所以意義重大。我同大家一樣，為能夠見證同支持一班同學為我哋無私服務，感到萬分喜悅。」

我:「今年我哋有唔同組別嘅同學為我哋服務，佢地會緊密合作，建立和諧有秩序而又美好嘅校園生活。」



晴:「事不宜遲，我鄭重宣佈典禮正式開始。」

我:「首先邀請校長上台分享。」

校長:「...」省略一千萬字多謝。

晴:「接下來...有請...」啊晴佢忘詞了。

「頒獎吖。」我關掉麥克風在旁邊輕聲提醒。



晴:「喀，有請校長為我們頒發委任狀同服務章」啊晴扮咳嚟打完場，高招。

我:「請各組代表上台領狀，排名不分先後：領袖生、學生會、橙社、綠社、紫社、紅社、XX攝影團、最後就係圖書館領袖生。」

其實我望住校長一張張委任證咁派，莫名地感到怒火，不如一次過派曬佢喇 ，不過可能啲大人會注重儀式感掛，我唔清楚啦。

晴:「多謝校長嘅幫忙，請先到台下就坐。」

我:「都相信各位同學都唔想再聽廢話，就直接入戲肉啦，「登登登登」有請我地今年嘅四社社長以及副會長上台分享呢年嘅事務先。」我鼓起勇氣臨場改變台詞，希望有人和應啦。

四社依舊順調有序上台，原本以為會有啲人畀少少反應，不過目前台下就係一潭死水，搞到我尷尬添。

四社嘅循例介紹自己嘅吉祥物，講下有咩活動吖，同埋呢一年有咩抱負，喺佢哋隔離聽第二次都真係聽到耳仔要發霉，唉。

我:「哇！新人事，新作風，嚟緊一定創一番新景象！大家記得踴躍參加社際活動啊！」



晴:「接住落嚟就係經過全校投票而選出嚟嘅學生會啦！即刻有請學生會。」

未完待續.................