【校園】【愛情】A0毒男的愛情史: 【插班生】

(考緊試，可能下星期都唔會有文，睇心情喇)

翌日，星期五

晨光從窗縫偷偷進入房間，白茫茫的光線投射在我臉上，把睡得正香的我喚醒。

「唔...好攰啊...」起床氣當然存在，我側身把棉被蓋過頭部，試圖再睡多一陣子。

「咚咚咚」門外的敲門聲，不過我沒有多作理會，繼續享用僅剩的丁點睡眠時間。



我感受到有人搖晃我肩膀，便重新張開雙眼，準備大罵一頓「咁早你係咪癡鬼咗線，阻鬼住人瞓覺，仲有冇人權㗎。」

「仲未瞓醒啊~」柔和悅耳的聲線令我怒火冰散瓦解，睡意反而在一瞬間消失。

我連忙坐起身來，看著站在樓梯上已經換好校服的啊晴，心中浮現了二字「女神」

「醒咗。」我看著遙遠的鬧鐘，目前是七時十五分，媽啊，有夠早。

「咁早嘅你。」我說。



「係啊，習慣咗，身體自自然然就醒咗。」啊晴說。

「落嚟食早餐啦。」

「嗯，畀小小時間我，轉頭落嚟。」相信每個有智商男性都會明白我的目前處境，健全男性早上起床會發生的慣例。

晨勃，即晨間勃起，無論係男性陰莖或女性陰蒂在睡眠中或者早餐剛睡醒時所發生的自發性勃起現象，尤其係男性特征更加明顯。

「啲粥凍㗎啦，快少少啦。」啊晴說。



「你去食住先啦。」你的在場，更加使我弟弟難以消退。

「要食就一齊食啦。」

「但係...好凍啊，我唔想落床啊。」我沒可能把老二挺著下床吧。

「...」啊晴見狀打算把棉被奪走。

我也不認輸正在玩拔河「啊晴，啊晴，啊晴， 唔好搶住先。」

「...」她停下手來，水汪汪的大眼睛注視著我。

「你知唔知青春期嘅男仔朝早瞓醒會發生咩事。」算了，把事實說出應該更加簡單解決，性教育課曾經也應該教導過。

啊晴思考了片刻，臉上因為尷尬而突然變紅，看起來應該明白我想表達的意思。



「唔...唔好意思，我出去等你。」啊晴因為自己剛才的愚蠢舉動而感到羞恥，轉身便離開了房間。

將一切看在眼裡的我，並沒有覺得這女生很蠢，反倒是為她添加了一份傻氣，有夠可愛。

五分鐘後。

「早晨。」循例都要講。

「早晨。」

「唔...阿媽呢。」我說。

「姨姨佢出咗去買嘢。」啊晴說。



桌上擺了兩碗粥，隨手拎咗碗食。

「哇，咁甜嘅。」食咗一啖嘅我，對呢碗嘢非常反感

「甜？冇可能㗎，我明明落咗鹽。」啊晴滿臉不相信試了一口「係喎，咁甜嘅。」

「啊晴，你記唔記得裝鹽個玻璃樽係咩色㗎。」

「淺藍色嗰個。」

「嗰個係裝糖㗎。」

「…」啊晴無語。

「唔緊要啦，食慣鹹嘅粥，有時改下口味都幾得意。」



「唔好意思啊。」

趕緊度過甜粥地獄，洗漱，更衣，上學。

這般夢寐以求的生活，真的發生了在我身上嗎？不過如此，僅僅是一天我也心滿意足。

學校，3E課室。

今日課室氣氛非常奇怪，五花八門的討論、笑聲瀰漫著課室。

比起平常簡直換了一個模樣，我還以為自己入錯班房。

對這狀況感到迷惑的我，理所當然尋找自己的朋友了解。



「豪哥，搞乜春天啊今日，個氣氛怪怪哋嘅。」我問道。

「你個柒頭jim唔知？」阿謙(gforce)說。

「啱啱返嚟乜嘢風都收唔到。」我說。

「阿Paul(班主任)佢頭先話有個好撚把炮嘅名校仔轉入嚟我哋班喎。」豪哥說。

「插班生？」我暗道。「咁男定女。」我說。

「唔知，不過聽講好有錢。」阿謙說。

「又有錢又讀名校入嚟我哋學校把撚呀，貪得意？」我哋學校只不過係公立學校，又冇名氣，所以我唔撚明佢諗乜。

「一陣咪知囉。」豪哥說。

「全部同我坐返埋位。」阿Paul說。

班主任嘅威嚴，氣勢凌人。

「啊晴，你覺得個插班生係男仔定係女仔。」我說。

「唔知喎，我比較希望係女仔。」啊晴說。

「入嚟喇。」阿paul對門外的插班生說道。

我對於插班生第一眼嘅觀感，請容許我用惡劣嚟形容。

他渾身散發著感覺自己高人一等的傲氣，頭髮電髮，前陰剛好到達眼皮附近，雙手插著褲袋，走路還要不斷揮動著肩膀，不知道的還以為他甩骹，觀感而言，佢好鬼死懶型(chok)。

「自我介紹下。」阿paul說。

「我叫兆濠。」自稱兆濠的那位插班生把每個人都看一遍。

「完喇。」阿paul驚訝。

「我介紹完。」兆濠說道。

「你班友仔咪畀我知你哋恰人，全部殺無赦，兆濠，你自己揀空位坐。」阿paul放下狠話便離開了。

兆濠看著我這方向便走了過來，對新同學點都要禮貌啲嘅。

「Hi，新同學。」禮貌性社交。

「...」佢直接無視我，這人是怎樣，真的夠沒禮貌，印象分再度下降。

「估唔到喺堆填區裡面都會有鮮花燦放，呢位女士，你點稱呼。」兆濠向啊晴問道。

「我叫汪芷晴。」啊晴說。

「哦，叫芷晴啊，個名真係好聽，唔知你介唔介意我拎你IG呢。」兆濠把手機拿出來。

「我唔用IG㗎。」啊晴說。

「咁啊，唔緊要啦，我相信我哋好快會再見，因為我覺得我哋好有緣分。」兆濠說罷便離開了課室，外面還有一個類似管家在迎接他。

走之前還對中文老師癡線婆說「我今日身體不適所以要早退。」媽的，有夠我行我素。

當兆濠走後，全班討論聲更加激烈，不過天平都是向壞的那一方傾斜。

癡線婆為咗控制呢個場面，直接使出終極技能留堂殺著，務求全班安靜下來。

不過卻無法阻止竊竊私語。

「啊晴，你唔係有IG賬號㗎咩。」我用氣音說，昨天我們在玩UNO同時還評價啊晴社交媒體上的攝影相片，順便幫手排名次。

「有啊。」啊晴同樣以氣音說。

「咁你頭先……」

「我唔想畀佢。」

「哈哈，呢個人畀我嘅第一印象好差。」

「我都好唔鍾意佢， 有咩理由無端端咁樣講全班，好唔識得尊重人。」

如是者，我同啊晴足足兩堂中文課都在聊這位插班生。

……

另一邊廂。

「星恆，幫我去調查汪芷晴呢個人，所有資料我都要。」坐在自己私人車的兆濠說。

「遵命少爺。」管家星恆說。

「咪住，仲有頭先喺課室同我打招呼嗰個人都一齊調查埋。」兆濠露出了邪惡的微笑。

他，到底想要做什麼？無人知曉。

……

畫面切回到學校，小息時。

差不多成個3E班的人圍成圓圈討論，大致就是圍繞著插班生兆濠的話題。

「頂佢個肺以為自己有幾個臭錢大曬啊，咪又係靠父幹。」部分反兆濠派說。

「但你哋唔覺得佢好靚仔咩，CoolCool地，好有霸道總裁feel。」部分支持兆濠派說。

「靚仔大曬咩，性格人品差已經扣曬分，你冇聽到今朝佢話我哋呢班係堆填區咩。」

「…」討論的激烈程度連樓層當值老師也無法阻止。

我對這人沒什麼特別看法，只要他別麻煩我或者我身邊重視的人，要做什麼也都與我無關。

……

放學。

由於之前應承咗羅會長佢出席每星期一次的棋藝學會，同啊晴告別之後，我依家死氣沉沉走到去部室。

「準時出席喎，叻仔啊，果然會守承諾。」負責點出席人數的羅會長跟我說。

「我唔嚟你又日日響我課室煩住我，我有得揀？」我滿肚怨氣。

「邊個叫你嗰日自己投降，死蠢。」會長瞇起雙眼把舌頭吐出一丁丁。

「咁今日又玩邊科。」我問。

「今日有一個新成員，幫我試試佢水平，記得唔好虐得人哋咁慘，放下水。」

「唉，又一個無知嘅人畀羅會長佢拐帶入嚟呢條不歸路。」我歎息。

「今次唔係我拐帶㗎，係佢自願交表格入嚟㗎咋。」羅會長語出驚人。

「唔係掛，邊個咁得閒啊。」我完全不敢相信。

「佢叫兆濠，班別係，竟然同你同班喎。」羅會長看著她手上那張表格。

「吓，你講笑咋。」

「你自己睇喇。」

我接過表格後，相片的確係同一個人「又真係佢喎。」

「你哋唔係同班咩。」

「佢今日先轉校入嚟，第一日就激起咗成班嘅怒火。」我感慨。

「哈，咁有趣，等我見識下。」

……

「咣當~」部室大門被打開，那個肩膀有問題的人再度出現－兆濠。

身旁還有一個屬於他的西裝管家，有必要嗎，而且學校怎麼大搖大擺放這個管家進來校園。

「你就係兆濠？」羅會長上前問道。

「冇錯，就係我家少爺。」回答的不是兆濠，而是身旁的那位管家。

「咁慣例都要面下試先，過嚟坐。」

「嘖。」兆濠一臉嫌棄。

「點解想加入棋藝學會嘅。」官方式問題。

兆濠看了看管家星恆，示意讓他回答。

「我哋少爺最近對於棋藝方面有興趣，咁啱貴校有呢種活動，為咗增進棋藝而應對遲啲嘅社交，貴學會係最為合適。」

「哦~原來係咁。」羅會長在評分紙上面寫了什麼，我站在她身旁看不清楚，便把頭靠近。其他意見欄上面:「死啞巴！不可一世！」

「撲哧！」看到大大隻紅色字後的我不禁噴笑，把手捂住嘴巴，強忍著笑聲。

「...」之後都係問啲無關痛癢嘅問題，就直接下刪100字。

「好，都問得七七八八，之後到實測環節，我會試下你喺棋藝方面嘅實力。」羅會長說。

「你識得捉咩棋。」阿羅會長，咁問完最後咪又係兜兜轉轉叫人捉象棋，不如唔好問喇。

「我家少爺喺象棋方面比較精通。」管家星恆說道。

「非常好，去啦，記得我講過嘅嘢。」羅會長一掌打在我背上。

「呢位就係測試嘅人員。」羅會長指著我說。

「今日第二次見面喇喎，都未自我介紹添，我叫...」

「林梓圓，15歲，B型血，173cm，64kg，喺瑪嘉烈醫院出世，屋企有兩個親人，分別係家姐同老母，住喺XX樓。」兆濠目無表情說完然後合上文件夾還給管家。

「哇，都幾詳細下喎，你嘅興趣就係偷窺人哋個人資料？」條友係咪癡線㗎！！

「只不過係基本資料，要同你哋呢啲低下階層解釋原因，簡直就係浪費我嘅時間。」呵，狗眼看人低。

「白卡佬。」係我嘅認知範圍，呢個字最適合佢。

「你講咩話。」兆濠像似從來沒接受過咒罵。

「你聽到咩咪係咩囉，白·卡·佬·」我故意拉長最後三隻字嘅音。

「你....」

「咁開始喇喎。」羅會長說。

五分鐘後。

「將軍。」話曬都有主角光環，同埋有錢大撚曬咩。

「冇...冇可能㗎，我明明跟住阿爸畀我本教課書去捉，你做咗啲乜嘢。」兆濠佢不敢相信自己被將死的結局。

「木已成舟，輸咗就係輸咗，你唔服氣都冇用。」我準備走人繼續睇網路小說。

「企喺度，同本少爺嚟多一場。」怎麼每個我認識的人都這麼不服輸。

「唔啦，你淨係識得跟住教科書移動，一啲自己思考能力都冇，捉嚟都冇意義。」我盯著羅會長，示意讓她趕緊打發他，好讓我脫身。

「你咪同佢捉多場囉，一場唔夠參考價值啊。」羅會長在我耳邊輕聲說道。

你淨係想看花生啫，無論他輸成狗定係勝利，你都會為咗部費而招攬他喇。(一個學會越多人，所頒發嘅部費就越多。)

「唉，得得得，邊個叫你係會長。」我歎息。

……

五分鐘後。

該說他是天才還是蠢貨好，兆濠把我上盤的路線全部重現了出來。

不過每個策略都有缺點，我上場所用的是名為「八卦陣」一種令到對手攻也攻不進去，後推就會被一下子反擊，是常見的擺盤手段。

「嘿嘿，睇你今次點算好。」兆濠佢自以為已經獲勝。

「就咁咋。」八卦陣，係阿爺爺教我嘅初級擺盤，當然，被說成初級自然有突破方法。

很簡單，只要選擇完全放棄左側，八卦陣自然就會出現裂縫。

「你係咪傻嘅，放棄曬你全部左面嘅棋。」兆濠對我說。

「拭目而待。」反擊，開始。

兆濠差不多把我左面的棋全數清空，這場面反而正合我意。

羅盤，已經開始崩塌。

……

又過了五分鐘。

我已算好絕殺，先把帥移動到左面，封死路線，根據我計算，兆濠的中場馬還要多走三步才能夠將死我，足夠了。

兆濠滿臉期待我輸的表情，殊不知他才是要敗北的那個。

「你快手啲喇。」兆濠還差一步將死。

「好，將軍。」我把兩隻砲移動到中央，即使俗語說的重砲將。

兆濠的帥右面被自己的棋擋死了，只剩下往左走的辦法，不過左面也被我封死了，所以就完結了。

「你輸得心服口服喇，低下階層都可以贏你，真丟臉。」我這張毒舌又失控了。

兆濠仍在尋找破解方法，不過可惜，如果佢目光放長遠一點，在被絕殺之前應該可以避免，不過這都是馬後炮了。

「冰女王佢肯定唔會犯呢啲錯。」我回想起前日與冰女王的交戰，不自覺地說出了口。

「冰女王？邊個嚟？」羅會長問道。

「冇嘢，一個識得嘅人啫。」我答。

「咁阿會長，條友之後交畀你喇，我嘅工作就圓滿結束喇。」我拎起書包返歸去。

工作崗位，我被指定為係秘書，但係文件之類嘅所有嘢我都唔使做，會長佢唔放心交畀我做，要做嘅就好似頭先一樣，測試下新成員，搞掂就可以收工，有時候冇人加入學會仲可以唔使去添。(不過羅會長條粉皮，成日都係度揾初中同學加入，搞到我工作量蒸蒸日上。)

點都好，今日都一樣係圓滿結束。

未完待續……