《我同幾條女嘅瘋狂往事》: 10.6
在大番薯教授的帶領下，全班響起如雷的掌聲，全都只屬於剛剛報告完畢的她。張婉婷，單槍匹馬的小組，這或許能解釋為什麼這幾天都聯繫不到她。
有些事情，必須要講清楚。
我看著臉色略顯憔悴的她，沒有猶豫：
「我同Crystal拍緊拖啦。」
她一怔，不動聲色：
「係咩，恭喜你。」
我不意外：
「我地可以繼續做朋友呀。」
只見她皺起眉，陰鬱附著在眼皮上：
「我地幾時變咗朋友？」
自討沒趣，我悻悻道：
「咁依家開始咯。」
「唔得！」乾淨俐落，沒有註解。
熱絡的校園，行人不絕，一對又一對，一群又一群，填補了這一陣空白。
過了一陣，我單純地：
「咁其實你當我係咩？」
她翹起腳。
「你係我隻狗呀嘛。」遲疑半晌：「完成最後一個指令之前都係。」
「我今日搵你就係想講呢件事。」我早已想好：「越界嘅嘢我唔會再做㗎啦，其他有咩幫到手，當係幫朋友，我會好樂意。」
她一臉冷靜：
「你同佢做咗喇？」
我點頭。
「唔係話等我幫你破嘅咩？」她語氣戲謔，不太在乎的樣子。
「呢樣嘢根本就唔應該開始，我唔應該係圖書館......你都唔應該錄低。」
她深沉地看著腳下的草地。
「咁你開唔開心？呢段唔應該開始嘅關係。」
扭過頭來，黑溜溜的眼，像直視一潭深不見底的湖水。
「有咩開唔開心，都過咗佢，唔好再提喇。」
她不留餘地：
「咁你同Crystal又開唔開心。」
「我鍾意佢，又點會唔開心。」
她笑了笑，彷彿釋懷，難能可貴地認可：
「咁都算幾好。」她應該也下定決心要做個了結。
我鬆了口氣，如同這段提線木偶一樣的關係，提著的心落實了。
「咁條片，你會del咗佢㗎嘛？」
我不是如此沒氣魄的男人，只是她實在變化無常。
「難啲。」她眼眶睜得斗大，大得有種要敞開心扉的感覺。
我內心叫苦。難道又生變數？
終於發現，原來那眼睛細細潤潤的閃著淚光。
我手足無措，這突發的情況：
「做咩事？」
她不答，只不住的眨眼，眼淚在邊緣欲滴。
「如果講出嚟會舒服啲，咪講出嚟。」
烏黑的短髮半掩著她的臉。斑駁的臉，慢慢地，慢慢地，多少平復了。
「我搬咗出去住。」
我不解：
「咁突然？做咩搬嘅？」
她將心事藏起，像往常一樣，下達命令：
「你過去del咗條片佢喇，當完咗件事佢，呢個係我最後嘅指令。」
開始得突然，結束得倉猝。不難想像，世間多少關係在此時此刻戛然而止。我不是唯一，無數正上演。我默默嘆氣，抖擻精神。該放手了。
「我自己去？」
她從鎖匙圈中解出其中一條：
「拎去，del完話我知。」
影片能刪除，這關係也能動動手指就刪掉？她越走越遠，背影落寞。在路人眼中，我大概也不相上下。
我來到張婉婷屋下。
這裡上次來是一片歡欣，如今只覺陰森。
街燈幽暗，映照著這座無人的大宅。這家，岌岌可危的影子落在地上。
今晚他們一家人到酒店去，溫馨地度過週末。一家人，除了張婉婷。