蝸牛: EP5

張諾宜的臉急泛上一片紅暈，耳朵發燙，連忙擺手解釋：「我真係冇望，我咩都睇唔到。」葉喬生看到她害羞的模樣笑著放開了手，「好啦，信你。」張諾宜被「放行」後，立即關上門，靠在房門前喘著氣。聽到葉喬生好像換完衣服的聲音，張諾宜馬上離開房門的位置，跑到沙發的座位一把坐下。
 
   「行得啦。」葉喬生打開房門，一身純淨的白色上衣和黑色籃球褲，白色中長襪配厚底球鞋，簡單而順眼。
 
   張諾宜隨即起身，順便提起飯桌上剛才吃完的早餐膠袋。在穿鞋子的同時，張諾宜的電話響起了，因為她的不方便，葉喬生於是替她接起了電話。
 
  「喂？」電話中的陳楠聽見葉喬生的聲音後，馬上變得結結巴巴的。「喂…喂？呢個唔係張諾宜電話咩？」葉喬生看了眼正在綁鞋帶的張諾宜，「係啊。佢而家唔方便聽電話。你有咩事搵佢？我幫你同番佢講。」陳楠聞言，如雷電重重的打擊了心房。「啊冇事…我想問佢出左門口未姐…如果佢同你一齊咁應該都出左門啦，咁無野啦哈哈。」言未落，電話已中斷了連線。
 
  「呢個乜野鞋帶黎架，打哂Kick既？」葉喬生側過頭去看見張諾宜在喃喃自語，他嘆了口氣蹲下身子，拽了拽那綁得實實的鞋帶。「你著完又就咁除，又要綁死結，唔打Kick就假啦。」葉喬生仔細地解開一重又一重的繩結，花了少許時間便把鞋帶回復原狀，見張諾宜的手又伸了過來，他一把拍在她的手背上，令她疼痛得縮回手去。「咪再搞搞陣。」葉喬生替她綁了個簡單的蝴蝶結，另一隻鞋也如是。
 




  「好啦，行啦，人地催啦。」張諾宜開心的應聲，頓了頓。「你…點知我約左其他人既？」葉喬生似是並不太在意的拿過她手中的垃圾膠袋，一臉冷靜。「小姐，兩個人點打沙排？只係無諗到你約埋陳楠姐，唔怪得你岩岩咁問我。」張諾宜尷尬的乾笑著，葉喬生先前去安置垃圾，她便幫忙關門上鎖。
 
  入秋的中午，街道上仍然車水馬龍。秋意正濃，每步踩下的落葉脆聲也使張諾宜的心虛每添一分。「你…會唔會嬲我冇問你就咁做？」張諾宜終於忍不住開了口。
 
「點解會嬲？」葉喬生有些疑惑。
 
「冇就好啦。因為我自作主張。」張諾宜如釋重負的呼了口氣。
 
葉喬生看來毫不在乎，看著滿地落葉，像是想起了甚麼。「係呢，咁耐以黎都唔知你中意咩花？」眼珠流轉，時而看向旁邊的張諾宜。
 




「與其話中意，不如話欣賞。」張諾宜的眼神忽然瞬變黯淡，覺得可笑。「花既壽命好短，璀璨一時，有啲能夠結出果子既就光榮逝去，更多既都得唔到好既結局。」她抬起眼睫，看著單車徑的上空，指著滿天枯樹。「呢度所有枯哂既花，曾經綻放成片花海，但季節一過，冇人會再記得佢地曾經有幾靚，付出左幾多黎成全呢個世界。」嗤笑一聲，續言，「花同人都係一樣，時間耐左，付出既都會比人覺得理所當然。」眼眸泛起微微的波瀾，她忙垂下眼簾。「痴線，我做咩無啦啦答非所問。」
 
「唔會啊。」葉喬生認真的看著張諾宜。「我估唔到你會有咁特別既見解。咁如果你可以揀，你會想做邊一種花？」張諾宜聞言後，從方才凝重的臉色展開笑顏。
 
「我想做牽牛花。」她抬起手，指縫間閃爍著微弱的陽光。「牽牛花最特別既地方，係當有光照落去既時候，佢會慢慢生長。當入黑，又或者冇光線照住既時候，佢會慢慢咁樣枯萎。係咪好得意？」看著葉喬生深邃的眼睛，張諾宜不知何時眼睛添了分柔情。「佢偏偏唔似其他花，要依賴雨水泥土去生存，亦唔會奢求壽命既延長，即使只係得短暫既綻放，但係能夠主宰自己既命運，就算只有半日、幾個鐘，呢一切都唔會後悔。」她的眼珠稍為流轉，移開了視線。「不過諗到咁感性做咩，花都係無情物。」
 
「花確實無情。」葉喬生輕輕嘆息。此刻卻有一隻蝸牛在旁邊的路緣石緩緩走著，就像在後聽了對於這場對話整個過程般姍姍來遲。「咁如果係佢呢？」葉喬生指著那隻蝸牛。
 
「你估佢愛上一個人類，需要幾耐？」