一個普通的愛情故事: 2.書店的偶遇

返到屋企，我即刻冲咗個涼，之後瞓咗喺床度思考，一堆回憶突然浮現

四年前，仲係讀緊中學嘅我，沉迷咗睇金庸嘅小說，每日放學都會去學校附近的書店打書釘 
因為成日去嘅關係我同書店老闆已經好熟，老闆明白學生冇乜經濟能力，所以唔會介意我只睇唔買
老闆什至會開埋摺凳俾我坐，等我睇得舒服啲

有一日放學後我又去咗書店，唔同嘅係除咗我同老闆仲有一個女仔
老闆同我講「阿賢，呢個女仔頭先拎起咗本射雕英雄傳，你快啲去同人介紹下」

估唔到老闆竟然叫我做推銷員，但為咗答謝老闆我真係去咗



「hello,你對呢本書有興趣？」

「係，最近睇咗電視劇版所以想睇埋小說版」

「oic，金庸啲文筆一流所以我覺得小說係必睇！」

同佢簡單講解後，佢就去咗俾錢
「唔該哂，我叫阿欣，下次見」



之後阿欣就急急腳離開咗書店

我呆一呆心諗我都未自我介紹，你又冇留低聯絡方式，點樣下次見所以我都冇將呢件事放在心上

過咗一星期，我又去咗書店
老闆同我講「個女仔嚟咗搵你，但係佢啱啱走咗」